ԻՐԱՆԱՀԱՅ ԳՈՐԾԱՐԱՐ ԼԵՒՈՆ ԱՀԱՐՈՆԵԱՆ «ԱՄԻՆ ՕԼ ԶԱՐԲ» ԲԱՐՁՐԱԳՈՅՆ ՇՔԱՆՇԱՆԻՆ ԱՐԺԱՆԱՑԱԾ Է

0

«Ալիք».- Իրանահայ յայտնի գործարար Լեւոն Ահարոնեան «Ամին օլ Զարբ» բարձրագոյն շքանշանին արժանացած է:

Երէկ Իրանի Իսլամական Հանրապետութեան նախագահի առաջին տեղակալ Էսհաղ Ջահանկիրիի ներկայութեամբ տեղի ունեցած է «Ամին օլ Զարբ» բարձրագոյն շքանշանի 3-րդ շրջանի հանդիսաւոր արարողութիւնը:

«Ամին օլ Զարբ» գործարար բարձարագոյն շքանշանի արժանացած են իրանցի հանրածանօթ ութը  գործարարներ, որոնց շարքին եղած է նաեւ իրանահայ հանրածանօթ գործարար, Իրանի փոխադրամիջոցի եւ տարանցիկ բեռնափոխադրման առաջատարներէն մէկուն՝ «Սաթի» ընկերութեան հիմնադիր եւ սեփականատէր Լեւոն Ահարոնեան:

Արարողութեան ընթացքին ելոյթով հանդէս եկած է Իրանի Հանրապետութեան նախագահի առաջին տեղակալ Էսհաղ Ջահանգիրի: Ընդգծելով ներկայ պայմաններուն մէջ Իրանի տնտեսութեան կենսունակութեան ապահովման համար արտահանումի կարեւորութիւնը, Ջահանգիրի յատկապէս անդրադարձած է այդ ասպարէզին մէջ իրանահայ գործարարներու դերակատարութեան ու մատուցած ծառայութիւններուն:

Յայտնենք, որ Լեւոն Ահարոնեան գործուն դերակատարութիւն ունեցած է իրանահայութեան ազգային-հասարակական կեանքին մէջ: Վաստակաւոր գործարարը կը համարուի Իրան-Հայաստան առեւտուրի պալատի հիմնադիրն ու երկու երկիրներու միջեւ օդանաւային թռիչքի հաստատման նախաձեռնողը:

Share.

Leave A Reply

This site uses Akismet to reduce spam. Learn how your comment data is processed.