ԱՍԱՏ՝ ԱՐԱԲ ԻՐԱՒԱԲԱՆՆԵՐՈՒ ՄԻՈՒԹԵԱՆ ՊԱՏՈՒԻՐԱԿՈՒԹԵԱՆ. «ԺՈՂՈՎՐԴԱԿԱՆ ԿԱԶՄԱԿԵՐՊՈՒԹԻՒՆՆԵՐԸ ԿԱՐԵՒՈՐ ԴԵՐ ԿՐՆԱՆ ՈՒՆԵՆԱԼ ԱՐԱԲ ՀԱՍԱՐԱԿՈՒԹԵԱՆ ԻՐԱԶԵԿՈՒՄԻՆ ՄԷՋ»

0


Երկուշաբթի, 7 Յունուար 2019-ին, Սուրիոյ նախագահ Պաշշար ալ Ասատ Արաբ Իրաւաբաններու Միութեան պատուիրակութիւն մը ընդունեց, միութեան ընդհանուր քարտուղար Նասէր Համմուտ ալ Քարաուինի նախագահութեամբ:

Ասատ շեշտեց ժողովրդական միութիւններուն եւ կազմակերպութիւններուն կարեւորութիւնը արաբ հասարակութեան իրազեկումին, հանրային կարծիքի ձեւաւորումին եւ  արաբ ժողովուրդի ինքնութեան պահպանման ուղղութեամբ:

Հանդիպումին ընթացքին կողմերը զրուցեցին արաբական երկիրներու իրավիճակին եւ անոնց դիմագրաւած դժուարութիւններուն շուրջ:

Նախագահ Ասատ դիտել տուաւ, որ արաբական երկիրները  միեւնոյն մարտահրաւէրներուն  դէմ յանդիման կը կանգնին երբեմն տարբեր ձեւերով: Ան յայտնեց, որ հարցերու լուծման բանալին երկխօսութիւնն է, որովհետեւ երկխօսութեան բացակայութիւնը տարիներու ընթացքին հարցերու կուտակման պատճառ հանդիսացած է: Պատուիրակութեան անդամները շնորհաւորեցին Սուրիոյ ղեկավարութիւնը, բանակը եւ ժողովուրդը, որոնք քաջաբար պայքար մղեցին ահաբեկչութեան դէմ: Անոնք պատրաստակամութիւն յայտնեցին վերականգնելու Սուրիոյ եւ արաբական երկիրներու երբեմնի առողջ յարաբերութիւնը:

Share.

Leave A Reply

This site uses Akismet to reduce spam. Learn how your comment data is processed.