ԱՐԱՐԱՏ ՄԻՐԶՈՅԵԱՆ. «ԱԱԾ-ն ՊԷՏՔ Է ՄՆԱՅ ՎԱՐՉԱՊԵՏԻ ԵՆԹԱԿԱՅՈՒԹԵԱՆ ՆԵՐՔԵՒ, ՈՍՏԻԿԱՆՈՒԹԵԱՆ ՀԱՐՑԸ ԿԱՐԵԼԻ Է ՔՆՆԱՐԿԵԼ»

0


Հայաստանի Հանրապետութեան առաջին փոխվարչապետի պաշտօնակատար Արարատ Միրզոյեան 10 Յունուարին 7-րդ գումարման Ազգային Ժողովի պատգամաւորներու հրամանագիրներու յանձնման հանդիսաւոր արարողութեան ընթացքին յայտնեց, որ Հայաստանի Հանրապետութեան Ազգային Անվտանգութեան Ծառայութիւնը պէտք է մնայ վարչապետի ենթակայութեան ներքեւ, իսկ ոստիկանութեան հարցը կարելի է քննարկել:
«Կը կարծեմ, որ ԱԱԾ-ն պէտք է շարունակէ մնալ վարչապետի ենթակայութեան ներքեւ, իսկ ոստիկանութեան մասը տակաւին կարելի է քննարկել, որովհետեւ այդտեղ ալ տարբեր բաղադրիչներ կան: Երբ այդ մասին կը խօսինք, ոչ միայն ենթակայութեան տակ գտնուելու մասին կը խօսինք, այլեւ Ազգայիբ Ժողովին հաշուետու ըլլալու ու թափանցիկութեան մասին: Հարցը քանի մը բաղադրիչ ունի», ըսաւ Միրզոյեան:
ՀՀ առաջին փոխվարչապետի պաշտօնակատարը յայտնեց, որ այս հարցը կը քննարկուի կառավարութեան կառուցուածքի բարեկարգման նախագիծին հետ միասին, որ տակաւին վերջնական տեսք չունի: «Նախագիծը, որ դրուած է շրջանառութեան մէջ, տակաւին քննարկումի փուլին մէջ է, կան բազմաթիւ առաջարկներ: Ես անձնապէս տեւած եմ քանի մը առաջարկ: Երբ վերջնական պատկերը կը յստականայ, այն ատեն վերջնական որոշումի կարելի է յանգիլ», ըսաւ Արարատ Միրզոյեան:

Share.

Leave A Reply

This site uses Akismet to reduce spam. Learn how your comment data is processed.