ՆՈՐԸՆՏԻՐ ԱԶԳԱՅԻՆ ԺՈՂՈՎԻ ՊԱՏԳԱՄԱՒՈՐՆԵՐԸ ՀԱՆԴԻՍԱՒՈՐ ԱՐԱՐՈՂՈՒԹԵԱՄԲ ՍՏԱՑԱՆ ԻՐԵՆՑ ՀՐԱՄԱՆԱԳՐԵՐԸ

0

Ալ. Սպենդիարեանի անուան օփերայի եւ պալէտի ազգային ակադեմիական թատրոնէն ներս հանդիսաւոր արարողութեամբ տեղի ունեցաւ Հայաստանի Հանրապետութեան7-րդ գումարման Ազգային Ժողովի պատգամաւորներուն հրամանագրերու յանձնումին արարողութիւնը: Նորընտիր Ազգային Ժողովի պատգամաւորներուն առաջին անգամ հրամանագրերը կը յանձնեն ոչ թէ Կեդրոնական Ընտրական Յանձնաժողովի նախագահը, այլ ընտրողները, որոնք ընտրուած են պատահականութեան սկզբունքով՝ համակարգչային վիճակահանութեամբ:
Իւրաքանչիւր ընտրական տարածքէ ընտրուած է երկուքական ընտրող եւ երկուքական քաղաքացի, որոնք առաջին անգամ մասնակցած են ընտրութիւններուն: Առաջին հրամանագիրը յանձնեց ամենատարեց ընտրողը` 103-ամեայ Բաւական Փիլոյեանը Լուսաւոր Հայաստանի պատգամաւոր Գուրգէն Պաղտասարեանին, իսկ վերջին հրամանագիրը ամենաերիտասարդ ընտրողը, 18 տարիքը ամբողջացած ընտրութեան իսկ օրը` 9 Դեկտեմբերին, յանձնեց ԲՀԿ-էն Գէորգ Պետրոսեանին:
Յայտնենք, որ Ազգային Ժողովի առաջին նիստը տեղի պիտի ունենայ 14 Յունուար 2019-ին, ժամը 10:00-ին:
Յիշեցնենք նաեւ, որ 9 Դեկտեմբերին տեղի ունեցած Ազգային Ժողովի արտակարգ ընտրութիւններուն արդիւնքով «Իմ Քայլը» դաշինքը կը ստանայ պատգամաւորական 88 աթոռ, Բարգաւաճ Հայաստան Կուսակցութիւնը՝ 26, իսկ Լուսաւոր Հայաստան Կուսակցութիւնը՝ 18 աթոռ։ «Իմ Քայլ»ի չորս աթոռները կը ստանան Հայաստանի եզտի, ռուս, ասորի եւ քիւրտ ազգային փոքրամասնութիւններու մէկական ներկայացուցիչ։

Share.

Leave A Reply

This site uses Akismet to reduce spam. Learn how your comment data is processed.