ԱՐՑԱԽ. ՍՏՈՐԱԳՐՈՒԵՑԱՒ ԶԲՕՍԱՇՐՋՈՒԹԵԱՆ ՄԱՐԶԻՆ ՎԵՐԱԲԵՐՈՂ ՓՈԽԸՄԲՌՆՈՒՄԻ ՅՈՒՇԱԳԻՐ ՄԸ

0


Արցախի Հանրապետութեան Մշակոյթի, Երիտասարդութեան Հարցերու Եւ Զբօսաշրջութեան Նախարարութեան եւ «Զբօսաշրջութեան զարգացման գործակալութիւն» հասարակական կազմակերպութեան միջեւ 11 Յունուարին ստորագրուեցաւ փոխըմբռնումի յուշագիր մը:

Կարեւոր համարելով կայուն զբօսաշրջութեան դերն ու նշանակութիւնը Արցախի մէջ, կայուն եւ համաչափ տարածքային զարգացման, հայկական մշակութային ժառանգութեան պահպանման, զարգացման ու խթանման, մշակութային բազմազանութեան ու միջմշակութային երկխօսութեան ամրապնդման ու զարգացման անհրաժեշտութիւնը, միջազգային համագործակցութեան ամրապնդման ու աւելի աշխուժացման դերը Արցախի միջազգային ճանաչման գործընթացին մէջ՝ կողմերը յանձն կ՛առնեն կատարել իրենց կարելին՝ կարճ ժամկէտի մէջ տեսանելի արդիւնքներու հասնելու համար:

Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարար Լեռնիկ Յովհաննիսեան եւ «Զբօսաշրջութեան զարգացման գործակալութիւն» հասարակական կազմակերպութեան հիմնադիր Սերկէյ Շահվերտեան հաստատած են, որ արդիւնաւէտ համագործակցութիւնը Արցախի մէջ կայուն եւ պատասխանատու զբօսաշրջութեան եւ մշակոյթի զարգացման նոր հեռանկարներու կարելիութիւն կ’ապահովէ:

Յուշագիրի ստորագրումը մասնաւոր, հասարակական եւ պետական հատուածի միջեւ փոխըմբռնումի ու կառուցողական համագործակցութիւնը ամրապնդելու կարեւոր հիմք պիտի հանդիսանայ:

Բացի յուշագիրէն, կողմերուն միջեւ ստորագրուեցաւ նաեւ համաձայնագիր, որուն նիւթը ԱՀ Մշակոյթի, Երիտասարդութեան Հարցերու Եւ Զբօսաշրջութեան Նախարարութեան եւ «Զբօսաշրջութեան զարգացման գործակալութիւն» հասարակական կազմակերպութեան 2019-ի միատեղ ծրագիրներու իրականացումն է:

Նախարար Լեռնիկ Յովհաննիսեան համագործակցութենէն իրատեսական եւ մեծ ակնկալիքներ ունի:

Share.

Leave A Reply

This site uses Akismet to reduce spam. Learn how your comment data is processed.