ԱՐՄԷՆ ՍԱՐԳՍԵԱՆ.«ՀԱՅԿԱԿԱՆ ԱՌԵՒՏՈՒՐԸ ԱՇԽԱՐՀԻՆ ՄԷՋ ԱՄԷՆՈՒՐ Է, ՈՐՈՒՆ ՇՆՈՐՀԻՒ ԱԼ ՀԱՄԱԳՈՐԾԱԿՑՈՒԹԵԱՆ ՆԵՐՈՒԺԸ ԱՆՀԱՄԵՄԱՏՕՐԷՆ ԿԸ ՄԵԾՆԱՅ»

0


Պաշտօնական այցելութեամբ Արաբական Միացեալ Էմիրութիւններ գտնուող Հայաստանի Հանրապետութեան նախագահ Արմէն Սարգսեան Ապու Տապիի մէջ 15 Յունուարին հանդիպում ունեցած է Արաբական Միացեալ Էմիրութիւններու պետնախարար Սուլթան ալ Ճապէրի հետ՝ քննարկելու տնտեսութեան տարբեր ոլորտներու մէջ համագործակցութեան հեռանկարները։
Հայաստանի Հանրապետութեան նախագահի աշխատակազմի հասարակութեան եւ տեղեկատուութեան միջոցներու հետ կապերու վարչութիւնը կը տեղեկացնէ, որ հանրապետութեան նախագահը յայտնած է, թէ Հայաստանը թէեւ փոքր երկիր է, բայց հայերը համաշխարհային ե սերտօրէն փոխկապակցուած ազգ են: Երբ ինքը, որպէս նախագահ, կը խօսի համագործակցութեան մասին՝ նկատի ունի ոչ միայն Հայաստանի Հանրապետութիւնը, որովհետեւ հայերն ու հայկական առեւտուրը աշխարհի մէջ ամէնուր են, որուն շնորհիւ համագործակցութեան ներուժը անհամեմատ կը մեծնայ։
Զրուցակիցները համաձայնած են որպէս առաջին քայլ, Միացեալ Էմիրութիւններէն պատուիրակութիւն մը այցելէ Հայաստան՝ կարելիութիւններուն համեմատ ծանօթանալու, քննարկումներ ունենալու եւ եղած առաջարկները գործնական հիմքերու վրայ դնելու համար։

Share.

Leave A Reply

This site uses Akismet to reduce spam. Learn how your comment data is processed.