ԹՐԱՄՓ ՍՏՈՐԱԳՐԱԾ Է ՑԵՂԱՍՊԱՆՈՒԹԻՒՆՆԵՐՈՒ ԵՒ ՎԱՅՐԱԳՈՒԹԻՒՆՆԵՐՈՒ ԿԱՆԽԱՐԳԻԼՄԱՆ ՄԱՍԻՆ ԷԼԻ ՎԻԶԷԼԻ ՕՐԷՆՔԸ. ԱՄԵՐԻԿԱՅԻ ՀԱՅ ԴԱՏԻ ՅԱՆՁՆԱԽՈՒՄԲԸ Կ’ՈՂՋՈՒՆԷ ՔԱՅԼԸ

0


Ամերիկայի Հայ Դատի Յանձնախումբի պաշտօնական կայքը կը տեղեկացնէ, որ Միացեալ Նահանգներու նախագահ Տանըլտ Թրամփ 15 Յունուարին  ստորագրած է ցեղասպանութիւններու եւ վայրագութիւններու կանխարգիլման մասին Էլի Վիզէլի օրէնքը: Յանձնախումբը ողջունած է այս քայլը:

Էլի Վիզէլի օրէնքը ցեղասպանութիւններու կանխարգիլման ուղղուած աննախադէպ օրէնք է, որ մեծամասնութեամբ ընդունած են Ծերակոյտն  ու Սպիտակ տունը: Օրէնքը օրինական ուժ կու տայ նախորդ,  ինչպէս նաեւ Օպամայի վարչակազմին ձեռնարկած քայլերուն եւ կանոնակարգին մէջ նոր վայրագութիւններն ու ցեղասպանութիւնները կանխարգելու ուղղուած յստակ քաղաքականութիւն եւ գործընթացներ:

«Ամերիկայի Հայ Դատի Յանձնախումբը կ’ողջունէ Թրամփի՝ ցեղասպանութիւններու եւ վայրագութիւններու կանխարգելման մասին օրէնքի  ստորագրումը եւ շնորհակալութիւն կը յայտնէ օրէնսդիրներուն, որոնք առաջնորդած եւ աջակցած են ցեղասպանութիւններու կանխարգելման նախաձեռնութեան ընդունման համար», ըսած է յանձնախումբի գործադիր տնօրէն Արամ Համբարեան:

Ան նաեւ նշած է, որ որպէս Հայոց Ցեղասպանութեան զոհերու ամերիկահայ ժառանգները յատկապէս ուրախ են տեսնել, թէ ինչպէս նման քայլեր կը ստանան օրէնքի ուժ, որ կը խօսի բարոյական հրամայականի մասին՝ ընդունելու նախկին ցեղասպանութիւններու դասերը՝ ձգտելով կանխել նոր վայրագութիւնները:

Share.

Leave A Reply

This site uses Akismet to reduce spam. Learn how your comment data is processed.