ԱՐՄԷՆ ՌՈՒՍՏԱՄԵԱՆ. «ԱՐՑԱԽԻ ՊԱՏԵՐԱԶՄՈՎ Է, ՈՐ ԴԱՇՆԱԿՑՈՒԹԻՒՆԸ ԿՐԿԻՆ ՎԵՐԸՆՁԻՒՂՈՒԵՑԱՒ ՀԱՅՐԵՆԻՔԻ ՄԷՋ»

0


ՀՅԴ 33-րդ Ընդհանուր Ժողովը Արցախի մէջ կազմակերպելու նշանակութեան շուրջ «Ապառաժ»ը զրուցած է ՀՅԴ Բիւրոյի քաղաքական ներկայացուցիչ Արմէն Ռուստամեանի հետ:
«Արցախի մէջ ՀՅԴ 33-րդ Ընդհանուր ժողովի կազմակերպումը մեծ խորհուրդ ունի: Նախ եւ առաջ այն պատճառով, որ Արցախէն սկսած է մեր նորօրեայ պատմութիւնը եւ Արցախի պատերազմով է, որ Դաշնակցութիւնը կրկին վերընձիւղուեցաւ հայրենիքի մէջ: Երբ բոլորը զբաղած էին տարբեր հանրահաւաքային գործընթացներով՝ Դաշնակցութիւնն էր, որ եկաւ այստեղ եւ կազմակերպեց Արցախի ինքնապաշտպանութիւնը: Ատիկա բոլորին համար փաստ է:
Այսօր մենք ունինք շատ լուրջ խնդիրներ՝ Արցախի հիմնահարցի լուծման առնչուող: Պէտք է անգամ մը եւս մատնանշել, որ Արցախեան ազատագրական պայքարին ընթացքին մենք ունեցած ենք աննախադէպ յաղթանակ: Այդ յաղթանակը հայկական երկու Հանրապետութիւնները միասին արձանագրած են, որուն հետեւանքով մենք ունինք 42 հազար քառակուսի քիլոմեթր հայրենի տարածք, որ պէտք է պահպանել եւ փոխանցել յաջորդ սերունդներուն: Ասի է Դաշնակցութեան նպատակը եւ այսօր մենք այստեղ ենք՝ ճիշդ այդ փաստելու համար»:

Share.

Leave A Reply

This site uses Akismet to reduce spam. Learn how your comment data is processed.