ԿՆՈՋԱԿԱՆ՝ ՅՈՒՆՈՒԱՐ Գ./2019

0

2019Ի ՆՈՐԱՁԵՒՈՒԹԵԱՆ  ՄԻՏՈՒՄՆԵՐԸ

Ցուրտ եղանակը սկսած է, բոլոր երիտասարդ կիները կը մտածեն գնել նորաձեւ եւ հրապուրիչ հագուստներ:

Իւրաքանչիւր եղանակի նորաձեւութեան վարպետները կ’առաջարկեն շատ հետաքրքրական տարբերակներ,որոնք կը զանազանուին իրենց ոճով, ձեւով եւ գոյնով:

Բացի դասական տարբերակներէն, որոնք կը մնան օգտագործելի, անկախ նորաձեւութեան  միտումներու փոփոխութիւններէն, 2019-ի նորաձեւ  հագուստները  հետեւեալները կը համարուին.

_Մեծածաւալ բաճկոն

-Մեծ կոճակներով պաշտօնական զգեստներ

-Շալեր

-Ռազմական տարազներու գոյներով ու ձեւերով հագուստներ

-Փայլուն քարերով զարդարուն կերպասներ

-Բնական կամ արհեստական  մորթով հագուստներ

-Երկար փէշեր

-Դեղին, մանանեխի գոյնով հագուստներ՝ յարմարելու տարուան խորհրդանիշին:

 Ընդհանրացած են յատկապէս բնական մորթով կարուած բաճկոնները, որոնք իսկապէս շքեղ տեսք կու տան կանանց: Վերարկուներուն հասակը չափազանց  երկար է: Վերարկուները իրենց լայնքով կը յարմարին այլազան հագուստներու:

Անոնց հետ անհրաժեշտ չեն բարձր կռունկով կօշիկներ, ընդհակառակն՝ կոշտ կօշիկները ընդհանրացած են այս տարի:

Ընդհանրացած են շաքարագոյն, աւազի գոյն, մուգ կանաչ, մուգ կապոյտ, դեղին, նարնջագոյն, որոնց շարքին սեւ եւ շագանակագոյն սովորական գոյներով բաճկոնները:

Ձմեռնային կանացի կաշի կօշիկները շատ գրաւիչ են, անոնք  յատուկ շքեղութիւն կը պարգեւեն քալուածքին:

Ամէն պարագայի, նորաձեւ բաճկոններու գոյները սահմանափակում չունին, ուստի իւրաքանչիւր երիտասարդ կին կրնայ ընտրել իր նախասիրած գոյնը:

ԸՆՏՐԵՑԷՔ ՊԱՏԿԵՐՆԵՐԷՆ ՄԷԿԸ ԵՒ ԲԱՑԱՅԱՅՏԵՑԷՔ ՁԵՐ ՀՈԳԵԿԱՆ ԱՇԽԱՐՀԸ

1. Ձեզի համար ամենակարեւորը յարմարիլն է: Կարեւոր կը համարէք հանգիստ, խաղաղ միջավայրի մէջ աշխատիլը, լուրջ ջանքեր կը թափէք զանազան հանգամանքներու յարմարելու համար: Թեև անսպասելի փոփոխութիւնները կրնան հարցի վերածուիլ ձեզի համար,սակայն այս պարագային եւս կը յարմարիք իւրաքանչիւր փոփոխութեան: Կը գերադասէք հանգիստ կեանքը:

2. Ազատութիւնը առաջնահերթութիւն է ձեզի համար: Կ’ուզէք միշտ յարգուած ըլլալ ուրիշէ, կախեալ ըլլալ չէք փափաքիր բնաւ: Ինքնավստահ էք, ձեզի հաճելի կը թուի  երբ ձեր շրջապատը կը հիանայ ձեզմով: Միշտ կը հասնիք ձեր փափաքներուն:

3. Մեծ ուշադրութիւն  կը դարձնէք ձեր զգացական աշխարհին: Զգացական էք: Այնպիսի անձ մըն էք, որ կը ցանկայ միշտ սիրել եւ սիրուած ըլլալ: Առատաձեռն էք, մարդիկ կը սիրեն ձեզ: Թոյլ մի տաք որ ճակատագրի հարուածները ձեր զգացական աշխարհը մթագնեն

4. Առաջնահերթութիւն կու տաք հաճոյքներուն ու ժամանցին: Կը սիրէք եռուն կեանքը, կ’ըմբռնէք, որ մարդ միայն մէկ անգամ կ’ապրի, ուստի պէտք է լիիրաւ կեանք ապրի: Կը սիրէք նորութիւնները, կը վայելէք ամէն բան, որ կ’երջանկացէ ձեզ: Մի՛ մոռնաք անոնց, որոնք միշտ ձեր կողքին գտնուած եւ օգնած են ձեզի:

5. Նուիրուած ըլլալը  շատ կարեւոր է ձեզի համար: Դուք ձեզ ամբողջութեամբ կը նուիրուիք այլոց: Ձեզի միշտ կարելի է վստահիլ: Բայց երբ որեւէ մէկէն յուսախաբ ըլլաք վերջ կու տաք անոր հետ ձեր յարաբերութեան:

6. Ձեզի համար ամէնէն կարևորը անձնական ներուժն է: Չէք սիրեր շրջապատին հետ շփումը, բայց միշտ պատրաստ էք օգնելու անոնց, որոնք օգնութեան կարիք ունին:

Share.

Leave A Reply

This site uses Akismet to reduce spam. Learn how your comment data is processed.