ՃԱԱՖԱՐԻ. «ԲՌՆԱԳՐԱՒՈՒԱԾ ԿՈԼԱՆԻ ՍՈՒՐԻՈՅ ՎԵՐԱՄԻԱՑՈՒՄԸ ԱՆՍԱԿԱՐԿԵԼԻ ԻՐԱՒՈՒՆՔ Է»

0


Երեքշաբթի, 22 Յունուար 2019-ին, ՄԱԿ-ի մէջ Սուրիոյ մնայուն բանագնաց դոկտ. Պաշշար ալ Ճաաֆարի Անվտանգութեան Խորհուրդի Միջին Արեւելքի իրավիճակին նուիրուած նիստին կոչ ուղղեց սուրիական հողերուն ուղղութեամբ իսրայէլեան իրարայաջորդ յարկաձումները դատապարտելու, հարց տալով, թէ արդեօ՞ք Սուրիայէն պահանջուած է ՄԱԿ-ի Անվտանգութեան Խորհուրդին ուշադրութիւնը հրաւիրել այս յարձակումներուն վրայ ինքնապաշտպանութեան իր իրաւունքը կիրարկելով եւ Իսրայէլի Դամասկոսի Միջազգային Օդակայանի հրթիռակոծման ի պատասխան Թէլ Աւիւի օդակայանը հրթիռակոծելով:

Ճաաֆարի յայտնեց, որ ՄԱԿ-ի Սուրիոյ  բանագնաց Նիքոլայ Մելատինով իր զեկոյցին մէջ անտեսած է Կոլանի ժողովուրդին դէմ Իսրայէլի ի գործ դրած բռնարարքները, սուրիական հողերուն ուղղութեամբ յաջորդական  յարձակումները, մասնաւորաբար  Դամասկոսի Միջազգային Օդակայանին հրթիռակոծումը:

Ճաաֆարի եզրափակելով ըսաւ, որ Կոլանի Սուրիոյ վերամիացումը անսակարկելի եւ վաղեմիութիւն ունեցող իրաւունք է, ուստի կարելի չէ բանակցութեան առարկայ դարձնել զայն կամ զիջումներու մասին խօսիլ այս առումով: Ապա դիտել տուաւ, որ Իսրայէլ, համաձայն Միջազգային օրէնքին եւ ՄԱԿ-ի Անվտանգութեան Խորհուրդի  242, 338 եւ 497 թուակիր օրէնքներուն, պէտք է դուրս գայ Կոլանէն եւ հասնի 4 Յունիս 1967-ի սահմանագիծ, շեշտելով որ Կոլանի ուղղութեամբ Իսրայէլի յարձակումները լուսարձակներէ հեռու պիտի չպահեն Կոլանին վերատիրանալու Սուրիոյ օրինական իրաւունքը:

Share.

Leave A Reply

This site uses Akismet to reduce spam. Learn how your comment data is processed.