ՎԵՆԵԶՈՒԵԼԱՅԻ ՊԱՇՏՊԱՆՈՒԹԵԱՆ ՆԱԽԱՐԱՐԸ ՅԱՅՏԱՐԱՐԱԾ Է ԵՐԿՐԻՆ ՄԷՋ ՊԵՏԱԿԱՆ ՅԵՂԱՇՐՋՈՒՄԻՆ ՄԱՍԻՆ

0


«ՌԻԱ Նովոսթի»ն կը յայտնէ, որ Վենեզուելայի պաշտպանութեան նախարար Վլատիմիր Փատրինօ Լոփէզ յայտարարած է, որ երկրին մէջ տեղի կ’ունենայ պետական յեղաշրջում:

Վենեզուելայի խորհրդարանի խօսնակ Խուան Կուայիտօ 23 Յունուարին ինքզինք յայտարարած է  երկրի ժամանակաւոր ղեկավար: Միացեալ Նահանգները ճանչցած եւ ընդունած է Կուայիտօն՝ պահանջելով Վենեզուելայի նախագահ Նիքոլաս Մատուրոյէն, որ ԱՄՆ-ի կողմէ չի համարուիր երկրի օրինական ղեկավար, ընդդիմութեան դէմ ուժ չկիրարել:

«Երկրին մէջ օրինական իշխանութիւններուն եւ նախագահ Նիքոլաս Մատուրոյի դէմ պետական յեղաշրջում տեղի կ՛ունենայ», մամուլի ասուլիսի մը ընթացքին յայտարարած է Լոփէզ: Վերջինս նախօրօք յայտնած էր, որ Կուայիտօն չի ճանչնար որպէս Վենեզուելայի նախագահ:

Կուայիտօն որպէս Վենեզուելայի ղեկավար  բացի Միացեալ Նահանգներէն ճանչցած են Քանատան, Արժանթինը, Պրազիլը, Չիլին, Քոլոմպիան, Քոսթա Ռիքան, Կուաթիմալան, Հոնտուրասը, Փանաման, Փարակուէյը, Փերուն, Վրաստանը, Ալպանիան եւ շարք մը այլ երկիրներ:

Ռուսաստանի արտաքին գործոց նախարար Սերկէյ Լաւրով Վենեզուելայի մէջ տեղի ունեցող իրադարձութիւնները անուանած է պետութեան ներքին գործերուն «հերթական կոպիտ միջամտութիւն»:

Share.

Leave A Reply

This site uses Akismet to reduce spam. Learn how your comment data is processed.