ԻՆՉՈ՞Ւ «ՊԶՏԻԿ ՔՈՅՐԻԿ»

0

Եղբայրս լեզու ելած օրէն զիս «պզտիկ քոյրիկ» կը կանչէ, իր մեծ ըլլալով կը պարծենայ։ Այս տողերը կարդացողը կը կարծէ, թէ մեր մէջ լեռ ու ձորի չափ տարիքի տարբերութիւն կայ։ Սակայն մենք աշխարհ եկած ենք ընդամէնը երկու վայրկեանուան տարբերութեամբ։
Այո՛, մենք երկուորեակ ենք, սակայն մեզ տեսնողը չի հաւատար որ այդպէս ենք, նոյնիսկ չի գիտնար, որ քոյր-եղբայր ենք, որովհետեւ ո՛չ արտաքին տեսքով, ոչ ալ բնաւորութեամբ իրարու կը նմանինք։ Մայրս կը պատմէ, թէ մանկութեան օրերուն մեր միջեւ շատ ամուր կապ մը կար, այն աստիճան, որ երբ մեզմէ մէկը լար, միւսն ալ կը սկսէր լալ։ Երբ մէկը հիւանդանար, միւսն ալ կը հիւանդանար…։
Այսպէս շարունակուած է մեր վիճակը մինչեւ որ իւրաքանչիւրս ունեցած է իր ընկերները, իր անձնական նախասիրութիւնները, յատուկ կեանքը, ու անկախ դարձած։

Անի Պօղիկեան
ԺԱ. կարգ
Քարէն Եփփէ Ազգ. Ճեմարան

Share.

Leave A Reply

This site uses Akismet to reduce spam. Learn how your comment data is processed.