ՄԱՏՈՒՐՕ. «ԵԹԷ ԱՄԵՐԻԿԵԱՆ ԲԱՆԱԿԸ ՅԱՐՁԱԿԻ, ՄԵՆՔ ԿԸ ՊԱՇՏՊԱՆԵՆՔ ՄԵՆՔ ԶՄԵԶ»

0

ԹԱՍՍ լրատու գործակալութիւնը կը հաղորդէ, որ  Վենեզուելայի նախագահ Նիքոլաս Մատուրօ 3 Փետրուարի երեկոյեան սպանական «Լա Սեթա» կայանին ցուցադրած հարցազրոյցին ընթացքին ընդդիմութեան առաջնորդ Խուան Կուայտոյին կոչ ուղղած է աւելի մեծ վնաս չհասցնելու երկրին եւ հրաժարելու իր այժմեան ռազմավարութենէն:

Մատուրօ հաւաստիացուցած Է, որ հանդէս կու գայ ընդդիմութեան հետ երկխօսութեան ի նպաստ: Նախագահը դիմած Է Կուայտոյին՝ անոր կոչ ուղղելով «լաւ մտածելու, թէ ինչ կ’ընէ»: «Թող աւելի մեծ վնաս չհասցնէ երկրին, թող հրաժարի խռովարարական ռազմավարութենէն«, յայտնած Է պետութեան ղեկավարը, աւելցնելով. «Եթէ ան կ’ուզէ դրական ինչ որ բան ընել, թող դէմ առ դէմ նստի սեղանի շուրջ»:

Մեկնաբանելով նախագահական ընտրութիւններ կազմակերպելու Եւրոպական Միութեան շարք մը երկիրներու պահանջը, պետութեան ղեկավարը յիշեցուցած Է, որ ժողովուրդին կամքի արտայայտութիւնը նախատեսուած Է 2024-ին: «Կը կարծեմ, որ Վենեզուելան խորհրդարանի ընտրութիւններու կարիք ունի», աւելցուցած Է ան: «Մենք զոհերն ենք այն արշաւին, ուր Միացեալ Նահանգներ մեզ վերածած Է թիւ մէկ թշնամիի», ընդգծած Է նախագահը՝ Սպիտակ տան ղեկավար Տանըլտ Թրամփին կոչ ուղղելով  Վենեզուելայի նկատմամբ սխալներ չգործելու:

«Եթէ ամերիկեան բանակը յարձակի մեր վրայ, մենք ստիպուած կը պաշտպանուինք: Մենք չենք յանձներ Վենեզուելան: Վատթարագոյն այլընտրանքը պատերազմն Է, եւ մենք այն չենք սկսիր», ըսած է Մատուրօ:

Share.

Leave A Reply

This site uses Akismet to reduce spam. Learn how your comment data is processed.