ԱՐԵՒԵԼԵԱՆ ՈՒՂՂԱՓԱՌ ԵԿԵՂԵՑԻՆԵՐՈՒ ՈՒ ԿԱԹՈԼԻԿ ԵԿԵՂԵՑՒՈՅ ԵՐԿԽՕՍՈՒԹԵԱՆ ՅԱՆՁՆԱԽՈՒՄԲԻ ՀԱՆԴԻՊՈՒՄ

0

26 Յունուարէն 1 Փետրուար երկարող շաբթուան ընթացքին, Վատիկանի մէջ տեղի ունեցան Կաթոլիկ եկեղեցւոյ եւ Արեւելեան ուղղափառ քոյր եկեղեցիներու միջեւ երկխօսութեան 16-րդ նիստերը, որոնց Ամենայն Հայոց Կաթողիկոսութեան կողմէն իրենց մասնակցութիւնը բերին Գերշ. Տ. Խաժակ Արք. Պարսամեան եւ Գերպ. Տ. Շահէ Ծ. Վրդ. Անանեան, իսկ Մեծի Տանն Կիլիկիոյ Կաթողիկոսութեան կողմէ՝ Գերշ. Տ. Մակար Եպս. Աշգարեան ու Հոգշ. Տ. Պօղոս Վրդ. Թինքճեան։

Երկխօսութեան նիստերուն ընթացքին արծարծուեցան ամուսնութիւն, ամուսնալուծում եւ խառն ամուսնութիւն նիւթերը՝ խօսուեցաւ անոնց պատմական ընկալման ու ներկայ հասկացողութեան մասին։ Ժողովականները նաեւ անդրադարձան վերոնշեալ նիւթերուն տարբեր հասկացողութիւններուն, սովորութիւններուն ու օրէնքներուն եւ զանոնք քննարկեցին մեկնելով աստուածաբանական մօտեցումէն։

Աշխատանքային շաբթուան աւարտին, երկխօսութեան մասնակիցները հանդիպում ունեցան Հռոմի Պապին հետ, որ գնահատեց կատարուած աշխատանքը եւ զօրակցութիւն յայտնեց եկեղեցիներու միութեան առաքելութեան։

Յայտնենք, որ յառաջիկայ տարուան աշխատանքները կ՚ընդգրկեն «խորհուրդներ» բաժինի եզրակացում ու համաձայնագիրի մը ստորագրում։

Share.

Leave A Reply

This site uses Akismet to reduce spam. Learn how your comment data is processed.