ԲԱԿՕ ՍԱՀԱԿԵԱՆ ԱՅՑԵԼԱԾ Է ԱՐԵՒԵԼԵԱՆ ՍԱՀՄԱՆԱԳԻԾԻ ՏԱՐԲԵՐ ՀԱՏՈՒԱԾՆԵՐ

0

Արցախի Հանրապետութեան նախագահ Բակօ Սահակեան 5 Փետրուարին պաշտպանութեան նախարար Կարէն Աբրահամեանի եւ այլ պաշտօնեաներու ուղեկցութեամբ այցելած է հանրապետութեան արեւելեան սահմանագիծի տարբեր հատուածներ, ծանօթացած է տեղւոյն զինուորներուն ծառայութեան ընթացքին եւ տիրող իրավիճակին:
Արցախի Հանրապետութեան նախագահի աշխատակազմը կը յայտնէ, որ նոյն օրը նախագահը այցելած է Մարտակերտի շրջանի Թալիշ գիւղ եւ տեղւոյն պատասխանատուները հրաւիրած աշխատանքային խորհրդակցութեան՝ բնակավայրի վերականգնման առնչուող հարցերու շուրջ:
Բակօ Սահակեան յանձնարարականներ տուած է շահագրգիռ մարմիններու ղեկավարներուն քննարկուած հարցերուն պատշաճ լուծում գտնելու առումով՝ անդրադառնալով Արցախի համար Թալիշի վերականգնումի ծրագիրին կարեւորութեան:
Խորհրդակցութեան կը մասնակցէին պաշտպանութեան նախարար Կարէն Աբրահամեան, քաղաքաշինութեան նախարար Կարէն Շահրամանեան եւ պաշտօնատար այլ անձեր:

Share.

Leave A Reply

This site uses Akismet to reduce spam. Learn how your comment data is processed.