ՀՅԴ ՆԵՐԿԱՅԱՑՈՒՑԻՉՆԵՐԸ ՀԱՆԴԻՊՈՒՄ ՈՒՆԵՑԱԾ ԵՆ ՌՈՒՍԱՍՏԱՆԻ ԴԵՍՊԱՆԻՆ ՀԵՏ

0

ՀՅԴ Հանրային կապերու գրասենեակը կը տեղեկացնէ, որ 5 Փերուարին ՀՅԴ Բիւրոյի նախագահ Արմէն Ռուստամեան, Բիւրոյի անդամներ Սպարտակ Սէյրանեան, Արսէն Համբարձումեան եւ ՀՅԴ Հայաստանի Գերագոյն Մարմնի ներկայացուցիչ Իշխան Սաղաթէլեան 5 Փետրուարին հիւրընկալուած են Հայաստանի մօտ Ռուսաստանի արտակարգ եւ լիազօր դեսպան Սերկէյ Քոփիրքինի կողմէ:
ՀՅԴ ներկայացուցիչները տեղեկացուցած են վերջերս տեղի ունեցած ՀՅԴ 33-րդ Ընդհանուր Ժողովի, ընդունուած հիմնական որոշումներու, Արցախի հիմնահարցի եւ արտաքին քաղաքական հարցերուն շուրջ կուսակցութեան մօտեցումներուն մասին։
Հանդիպումի ընթացքին անդրադարձ կատարուած է նաեւ հայ-ռուսական դաշնակցային փոխգործակցութեան հետագայ զարգացման հարցերուն։ Երկուստեք կարեւորուած է փոխադարձ հետաքրքրութիւն ներկայացնող հարցերու քննարկման նպատակով պարբերական հանդիպումներու անհրաժեշտութիւնը։

Share.

Leave A Reply

This site uses Akismet to reduce spam. Learn how your comment data is processed.