ԹՈՒՐՔԻԱ ՅԱՏՈՒԿ ՋՈԿԱՏԱՅԻՆՆԵՐ ՈՒՂԱՐԿԱԾ Է ՍՈՒՐԻՈՅ ՍԱՀՄԱՆ

0

Թուրքիա կը շարունակէ զինուորական ուժ կուտակել Սուրիոյ հետ սահմանին վրայ։4 Փետրուարի գիշերը Թուրքիոյ սահմանամերձ Հաթայ շրջանէն Սուրիոյ սահմանին մօտ գտնուող Շանլըուրֆա նահանգ ուղարկուած է աւելի քան 30   զրահապատ մեքենայ։Թրքական աղբիւր մը կը հաղորդէ, որ Շանլըուրֆա  ուղարկուած են նաեւ Թուրքիոյ զինեալ ուժերուն մէջ ծառայութեան կոչուած յատուկ ջոկատայիններ։Յիշեցնենք, որ Թուրքիա կը պատրաստուի  Սուրիոյ Եփրատ գետի  արեւելեան հատուածին մէջ ռազմական գործողութիւններ սկսիլ տեղւոյն քրտական ուժերուն (YPG)ի դէմ, որոնք ահաբեկչական խմբաւորումներու շարքին կը համարէ։

Share.

Leave A Reply

This site uses Akismet to reduce spam. Learn how your comment data is processed.