ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՊԱՇՏՊԱՆՈՒԹԵԱՆ ՆԱԽԱՐԱՐԻ ԳԼԽԱՒՈՐԱԾ ՊԱՏՈՒԻՐԱԿՈՒԹԻՒՆԸ ՄԵԿՆԱԾ Է ՄՈՍԿՈՎԱ

0

Հայաստանի Հանրապետութեան պաշտպանութեան նախարարի մամուլի խօսնակ Արծրուն Յովհաննիսեան դիմատետրի իր էջին միջոցաւ կը տեղեկացնէ, որ Մոսկուա կատարած աշխատանքային այցելութեան ընթացքին Հայաստանի Հանրապետութեան պաշտպանութեան նախարար Դաւիթ Տօնոյեան 7 Փետրուարին հանդիպում ունեցած է Ռուսիոյ ռազմարհեստագիտական համագործակցութեան դաշնային ծառայութեան տնօրէն Տմիթրի Շուկայեւի հետ։

Հանդիպումին ընթացքին քննարկուած են հայ-ռուսական երկկողմանի ռազմարհեստագիտական համագործակցութեան ընթացիկ ծրագիրները եւ հեռակայ ուղենիշերը։ Երկուստեք յայտնած են այս ոլորտին կարեւորութիւնը եւ համագործակցութեան բարձր մակարդակը։

Share.

Leave A Reply

This site uses Akismet to reduce spam. Learn how your comment data is processed.