ԱՊՐԻԼԻ 24-Ի ՄԱՍԻՆ ՄԱՔՐՈՆԻ ՅԱՅՏԱՐԱՐՈՒԹԵԱՆ ԱՐՁԱԳԱՆԳԱԾ Է ՆԱԵՒ ԹՈՒՐՔԻՈՅ ԱՐՏԱՔԻՆ ԳՈՐԾՈՑ ՆԱԽԱՐԱՐՈՒԹԻՒՆԸ

0

Թրքական «Տիքըն» պարբերականը կը հաղորդէ, որ Թուրքիոյ Արտաքին Գործոց Նախարարութեան մամուլի խօսնակ Համի Աքսոյ արձագանգած է Ֆրանսայի մէջ 24 Ապրիլը Հայոց Ցեղասպանութեան յիշատակի օր հռչակելու մասին նախագահ Էմանուէլ Մաքրոնի յայտարարութեան:

Աքսոյ Մաքրոնի որոշումը համարած է ընտրութիւններու սեմին հայ ընտրողներու քուէները գրաւելու միտուած քայլ:

Թուրքիոյ Արտաքին Գործոց Նախարարութեան մամուլի խօսնակը թուրք պետական միւս գործիչներու նման հաւատարիմ մնալով թրքական ժխտողական քաղաքականութեան՝ Մաքրոնի քայլը որակած է որպէս յանուն անձնական եւ քաղաքական շահի կատարուած միակողմանի քայլ:

Էմանուէլ Մաքրոնի յայտարարութեան 6 Փետրուարին անդրադարձած էր նաեւ Թուրքիոյ նախագահ Ռեճէպ Թայիպ Էրտողանի խօսնակ Իպրահիմ Քալըն:

Share.

Leave A Reply

This site uses Akismet to reduce spam. Learn how your comment data is processed.