ՄԱՐԶԱԿԱՆ՝ ՓԵՏՐՈՒԱՐ Ա./2019

0

ՄԻՋԱԶԳԱՅԻՆ

Քաթարի Հաւաքականը Ասիոյ Ախոյեան
Արաբական Միացեալ Էմիրութիւններու մէջ մէկ ամսուան տեւողութեամբ տեղի ունեցած Ասիոյ ֆութպոլի բաժակի մրցաշարքը հասաւ իր աւարտին: Ախոյեան հռչակուեցաւ Քաթարը՝ աւարտական մրցումին պարտութեան մատնելով Ճափոնը 3 – 1 արդիւնքով: Քաթար իր պատմութեան մէջ առաջին անգամ ըլլալով տիրացաւ տիտղոսին. Կազմը իր կատարած 7 մրցումներուն ընթացքին ոչ մէկ պարտութիւն արձանագրեց, իր դարպասին ստանալով միայն մէկ կոլ, այդ ալ եղաւ աւարտական մրցումին: Աւելցնենք, որ նախորդ մրցաշարքի տիտղոսակիրն էր՝ Ճափոն: Հանդիպումին Քաթարի կոլերը նշանակողներն էին Ալի Մոյեզ (12-րդ), Հաթեմ Ապտելազիզ (27-րդ) եւ Աֆիֆ Աքրամ (83-րդ՝ տուգանային հարուած) : 2019-ի մրցաշարքին 8 կոլերով կոլսկորիստ դարձաւ քաթարի խաղցող Ալի Մոյեզ, իսկ լաւագոյն բերդապահ հանդիսացաւ դարձեալ քաթարի կազմէն Սաատ Ալշիպը: Սոյն մրցաշարքին մասնակցեցաւ նաեւ Սուրիոյ հաւաքականը, որ բաւարարուեցաւ միայն մէկ կէտով, եւ դուրս մնաց առաջին փուլէն:

Պուֆօն. «Փարիզ Սան Ժերման Խումբը Առանց Նէյմարի Վտանգի Մէջ Է»
Ֆրանսայի մայրաքաղաքի՝ Փարիզ Սան Ժերմանի իտալացի մասնագէտ բերդապահ Պուֆօ լրագրողներու հետ զրոյցի մը ընթացքին ըսաւ, որ Նէյմարի խումբէն երկու ամիսով բացակայութիւնը ժխտական ազդեցութիւն պիտի ունենայ խումբի արդիւնքին վրայ: Պուֆօ դիտել տուաւ նաեւ, որ Եւրոպայի «Չեմպիընզ Լիկ»ի մրցումներուն մրցակիցները ընդհանրապէս կը մտահոգուէին երբ Նէյմար մասնակցէր խաղերուն: այսօր անոնք աւելի հանգիստ պիտի մրցին մեզի հետ:

Ֆութպոլի Ձմեռային Տեղափոխութեան Պատուհանը Փակ Յայտարարուեցաւ
30 Յունուարին փակուեցաւ ֆութպոլի ձմեռային տեղափոխութեան պատուհանը: Եւրոպայի առաջատար երկիրներուն ակումբները մինչեւ 31 Յունուար քանի մը ուշագրաւ ձեռքբերումներ արձանագրեցին: Սպանիոյ ախոյեան Պարսելոնան պայմանագիր կնքեց Թուլուզի 19-ամեայ ֆրանսացի պաշտպան Ժան-Քլեր Տոթիփոյի հետ: Անգլիոյ ախոյեան Մանչեսթըր Սիթին 4,8 միլիոն եւրոյով ձեռք բերաւ խրուաթական Հայթուկի 108-ամեայ կիսապաշտպան Անտի Փալաւերսան:
Իտալական Միլան խումբի խրուաթ կիսապաշտպան Ալէն Հալիլովիչ վարձավճարով հանդէս պիտի գայ պելճիքական Սթանտարտին հետ: Լոնտոնի Արսենալը մինչեւ մրցաշրջանի աւարտը վարձակալած է Պարսելոնայի սպանացի կիսապաշտպան Տենիս Սուարէզը:

Share.

Leave A Reply

This site uses Akismet to reduce spam. Learn how your comment data is processed.