ՀԱՅ ՄԱՍՆԱԳԷՏՆԵՐ ՄԱՐԴԱՍԻՐԱԿԱՆ ՕԺԱՆԴԱԿՈՒԹԵԱՆ ՀԱՄԱՐ ՍՈՒՐԻԱ ԺԱՄԱՆԵՑԻՆ

0

Հայաստանի մէջ Սուրիոյ դեսպան Մուհամմէտ Հաճ Իպրահիմ եւ դեսպանի խորհրդատու Պաշշար Սաֆիէ 7 Փետրուարին Երեւանի մէջ մասնակցեցան մարդասիրական մասնագիտական օժանդակութիւն ցուցաբերելու համար Սուրիա ուղղուող հայ մասնագէտներու խումբի մեկնումին պաշտօնական արարողութեան։

Արարողութեան ներկայ գտնուեցաւ նաեւ ՀՀ պաշտպանութեան փոխնախարար Գաբրիէլ Բալայեան։

Դեսպան Իպրահիմ խօսք առնելով լուսարձակի տակ առաւ Հայաստան-Սուրիա պատմական, բարեկամական յարաբերութիւնները՝ վեր առնելով մասնագիտական այս խումբին Սուրիոյ բարեկամ ժողովուրդին մարդասիրական օժանդակութիւն ցուցաբերելու ողջունելի քայլը։

8 Փետրուարին ականազերծողներէ, բժիշկներէ և անոնց անմիջական անվտանգութիւնը ապահովող հայ մասնագէտներէ բաղկացած 83 հոգինոց խումբը Սուրիա ժամանեց:

Խումբը Հալէպի զինուորական գործողութիւններէ զերծ շրջաններուն մէջ բժշկական ծառայութիւն պիտի մատուցէ տեղւոյն բնակչութեան, միեւնոյն ատեն բնակիչները իրազեկ պիտի դարձնէ ականներէ զերծ մնալու միջոցներուն։

Սուրիոյ մէջ հայ մասնագէտներու տեղաւորման, անոնց կարգավիճակի, գործառոյթներու և անվտանգութեան առնչուող հարցերը կարգաւորուած են Հայաստանի Հանրապետութեան օրէնսդրութեան համաձայն:

Share.

Leave A Reply

This site uses Akismet to reduce spam. Learn how your comment data is processed.