ԴԱՒԻԹ ՏՕՆՈՅԵԱՆ ԿԱՐԵՒՈՐ ՀԱՄԱՐԱԾ Է ԱՆՅԱՅՏ ԿՈՐԱԾ ԱՆՁԵՐՈՒ ՃԱԿԱՏԱԳՐԵՐՈՒՆ ՅԱՅՏՆԱԲԵՐՈՒՄԸ

0

Հայաստանի Հանրապետութեան Պաշտպանութեան Նախարարութենէն ներս 11 Փետրուարին տեղի ունեցած է ՀՀ գերիներու, պատանդներու եւ անյայտ կորածներու հարցերով զբաղող միջգերատեսչական յանձնաժողովի անդրանիկ նիստը՝ յանձնաժողովի նախագահ, պաշտպանութեան նախարար Դաւիթ Տօնոյեանի նախագահութեամբ։
Հայաստանի Հանրապետութեան Պաշտպանութեան Նախարարութեան տեղեկատուութեան եւ հասարակութեան հետ կապերու վարչութիւնը կը տեղեկացնէ, որ նիստին սկիզբը յանձնաժողովի նախագահը ներկայացուցած է յանձնաժողովին եւ անոր կից գործող աշխատանքային խումբին անդամները, որմէ ետք մասնակիցները քննարկած են յանձնաժողովի աշխատանքներուն առնչուող կազմակերպչական շարք մը հարցեր:
Հանդիպումի օրակարգային նիւթերը ընդգրկած են յանձնաժողովի կազմին մէջ գերիներու, պատանդներու եւ անյայտ կորած անձերու հարցերով զբաղող հասարակական կազմակերպութիւններու ներգրաւման քննարկումը: Նկատի առնելով յանձնաժողովի կազմին մէջ ընդգրկուելու փափաք յայտնած հասարակական կազմակերպութիւններու մեծ մասը, սերտուած են անոնց ներգրաւման նպաստող արդիւնաւէտ քանի մը տարբերակներ: Նիստին ընթացքին աշխատանքային խումբի ղեկավարը յանձնաժողովի անդամներուն տեղեկացուցած է գերութեան մէջ գտնուող ՀՀ քաղաքացներուն առկայ իրավիճակը:
Իր եզրափակիչ խօսքին մէջ Դաւիթ Տօնոյեան անգամ մը եւս կարեւոր համարած է անյայտ կորած անձերու ճակատագրերը պարզելու եւ անոնց ընտանիքներուն աջակցութիւն ցուցաբերելու անհրաժեշտութիւնը՝ վստահեցնելով, որ Յանձնաժողովի գործունէութեան արդիւնքներն ու ձեռքբերումները յառաջիկային տեսանելի կը դառնան։

Share.

Leave A Reply

This site uses Akismet to reduce spam. Learn how your comment data is processed.