ՕՓԵՐԱՅԻ ՅԱՐԱԿԻՑ ՏԱՐԱԾՔԻ ՍՐՃԱՐԱՆՆԵՐՈՒՆ ՓՈԽԱՐԷՆ ՆՈՐ ՊՈՒՐԱԿ ՊԻՏԻ ԿԱՌՈՒՑՈՒԻ

0

Երեւանի քաղաքապետարանի աշխատակազմի տեղեկատուութեան եւ հասարակութեան հետ կապերու վարչութիւնը կը տեղեկացնէ, որ Ալեքսանտր Սպենդիարեանի անուան օփերայի եւ պալէի ազգային ակադեմական թատրոնի շէնքին յարակից տարածքին մէջ արդէն այս տարի սրճարաններու փոխարէն նոր պուրակ մը պիտի կառուցուի: Պիտի վերստեղծուի շուրջ 1 հեքթար կանաչ տարածք՝ նոր լուծումներով, թանկարժէք ծառատեսակներով:
Աշխատանքային խորհրդակցութեան ընթացքին Երեւանի քաղաքապետ Մարութեան յանձնարարած է ծրագիրին իրականացումին համար բաց մրցոյթ յայտարարել՝ գործընթացին մասնակից դարձնելով նաեւ բնակիչները: Երեւանցիներու անվտանգութիւնը ապահովելու նպատակով յանձնարարուած է գոյքագրել մայրաքաղաքի բազմաբնակարան շէնքերու մուտքերուն դռները: Առաջարկուած է սեփականատէրերուն եւ բնակիչներուն հետ համատեղ դռներուն վրայ քոտերով փականներ տեղադրել:
«Սա բնակչութեան ընդհանուր գոյքն է, ուստի պէտք է քաղաքապետարանը բացատրական աշխատանքներ տանի, որպէսզի քաղաքացիները սեփականատէրերուն հետ համատեղ աստիճանաբար տեղադրեն այդ փականները», ըսած է քաղաքապետը:
Անդրադառնալով Երեւանի քաղաքապետարանի եւ ՀՀ ոստիկանութեան համագործակցութեան՝ քաղաքապետ Մարութեան գոհունակութիւն յայտնած է արդիւնաւէտ աշխատանքին ի տես եւ ընդգծած, որ փոխգործակցութեան արդիւնքները աստիճանաբար տեսանելի կը դառնան քաղաքին մէջ: «Մաքուր Հայաստան» ծրագիրին շրջագիծէն ներս, 23 Մարտին կը յայտարարուի համաքաղաքային շաբաթօրեակ: Յանձնարարուած է աշխատանքներ տանիլ գործընթացը պատշաճօրէն կազմակերպելու համար

Share.

Leave A Reply

This site uses Akismet to reduce spam. Learn how your comment data is processed.