ՀԱՅ ԴԱՏԻ ՅԱՆՁՆԱԽՈՒՄԲԻ ԱՆԴԱՄՆԵՐԸ ՔԱՆԱՏԱՅԻ ՎԱՐՉԱՊԵՏԸ ԻՐԱԶԵԿ ԴԱՐՁՈՒՑԱԾ ԵՆ ԱՐՑԱԽԻ ՀԻՄՆԱՀԱՐՑԻՆ ՇՈՒՐՋ

0

10 Փետրուարին, Վանգուվըրի մէջ տեղի ունեցած Քանատայի Ազատական Կուսակցութեան նախընտրական հաւաքին հրաւիրուած Քանատայի Արեւմտեան շրջանի Հայ Դատի Յանձնախումբի անդամները առիթ ունեցան առանձնազրոյց ունենալու Քանատայի վարչապետ Ճասթին Թրուտոյի հետ։
Հայ Դատի Յանձնախումբի պատուիրակութիւնը շնորհակալութիւն յայտնեց վարչապետին անցեալ տարուան Հոկտեմբերին Հայաստան կատարած իր այցելութեան եւ Հայաստանի հանդէպ իր ջերմ վերաբերմունքին համար, ինչպէս նաեւ խօսեցան Արցախի ժողովուրդի ազատ ինքնորոշման իրաւունքին մասին, շեշտելով Արցախի հիմնահարցի գծով Քանատայի ժողովուրդի աջակցութիւնն ու զօրակցութիւնը։ Պատուիրակութիւնը նաեւ Հայ Դատի անունով հրաւէր ուղղեց վարչպետին այցելելու Արցախի Հանրապետութիւն։
Հայ Դատի Յանձնախումբի պատուիրակութեան մաս կը կազմէին ՀՅԴ Քանատայի Կեդրոական Կոմիտէի անդամ Վահէ Անտոնեան, Քանատայի Հայ Դատի յանձնախումբի Արեւմտեան Շրջանի ատենապետ Յակոբ Տէր Յակոբեան, Բալիկ եւ Թիթառ Քէօշկէրեաններ։

Share.

Leave A Reply

This site uses Akismet to reduce spam. Learn how your comment data is processed.