ՄԱՐԶԱԿԱՆ ԴԷՄՔԵՐ. ՀԵՆՐԻԽ ՄԽԻԹԱՐԵԱՆ

0

Հենրիխ Մխիթարեան հայ արհեստավարժ ֆութպոլիստ է: Հայաստանի ազգային հաւաքականի լաւագոյն ռմբարկուն է, իսկ 2015 թուականէն՝ աւագը։ Մինչեւ 2018 հանդէս եկած է անգլիական Մանչեսթըր Իւնայթըտ ակումբին հետ, որպէս կիսապաշտպան։ 22 Յունուար 2018-ին Մխիթարեան 4 տարուան պայմանագրութիւն կնքած է Լոնտոնի Արսենալին հետ: Ունի Երեւանի պատուաւոր քաղաքացիի կոչում (2012)։ Ութը անգամ դարձած է Հայաստանի լաւագոյն ֆութպոլիստ (2009, 2011, 2012, 2013, 2014, 2015 2016, 2017 թուականներուն)։ Ան կը համարուի Հայաստանի ազգային հաւաքականի պատմութեան լաւագոյն ռմբարկուն՝ 60 խաղի ընթացքին իր խփած 22 կոլերուն շնորհիւ։ Ան միակ հայ ֆութպոլիստն է, որ խաղցած է Անգլիոյ Փրեմիեր Լիկայի կազմին մէջ: 2017-ին ընդգրկուած է Հայաստանի լաւագոյն մարզիկներուն Top 10-ին մէջ։
Մխիթարեան կը տիրապետէ 7 լեզուներու՝ հայերէնի, ռուսերէնի, ֆրանսերէնի, անգլերէնի, փորթուկալերէնի, իտալերէնի եւ գերմաներէնի:
Իր նախասիրած շարժանկարն է «300 Սպարտացիները»։
Անոր նախասիրութիւններէն մէկը ընթերցանութիւնն է: Կը սիրէ նաեւ ճատրակ, սեղանի թենիս եւ ծովային ֆութպոլ խաղալ:
Մանկութեան իր ամենասիրելի խումբը «Արսենալ»ն էր։
Հայաստանի հաւաքականէն ներս առաջին անգամ կոլի հեղինակ դարձած է 28 Մարտ 2009-ին՝ Էսթոնիոյ դէմ խաղի ընթացքին:
Իր դիտած առաջին խաղը 1996-ին տեղի ունեցած Հայաստան-Գերմանիա խաղն է։
Երեւանի մէջ իր ամենասիրած վայրը Թումանեան փողոցն է:
Մանկութեան շատ կը վախնար մութէն:
Քաղցրակեր է, շատ կը սիրէ տուրմն ու պաղպաղակը:
Կ’ունկընդրէ փոփ, իսկ երբեմն ալ ռէփ երաժշտութիւն։
Իր նախասիրած գոյներն են՝ ճերմակը եւ կապոյտը։
Ըստ Transfermarkt.com-ի Հենրիխի խումբէ-խումբ փոխադրման արժէքը կը կազմէ 22 մլն. եւրօ, սակայն Պորուսիան անոր համար վճարած է 27,5 մլն. եւրօ։
Ան յաճախ բարեգործութիւն կը կատարէ, սակայն չի սիրեր յայտարարել այդ մասին, քանի որ բարեգործութիւնը իւրաքանչիւր մարդու պարտքը կը համարէ։
Երկրպագուները եւ խաղընկերները Հենրիխին յաճախ Միքի կամ MagicTaryan կը կանչեն, իսկ ռուսերը «լաւագոյն հայը Հենրիխ Մխիթարեանն է» կ’ըսեն։
Առաջին հայ ֆութպոլիստն է, որ մասնակցած է «Իւրոփա-լիկ»ի եզրափակիչին եւ կոլ արձանագրած:

Պատրաստեց
Պետիկ Աշոտեան

Share.

Leave A Reply

This site uses Akismet to reduce spam. Learn how your comment data is processed.