ՍՈՒՐԻՈՅ ՆԱԽԱԳԱՀԸ ԻՐԱՆ Կ’ԱՅՑԵԼԷ

0

Երկուշաբթի, 26 Փետրուար 2019-ին, Սուրիոյ Նախագահ Պաշշար ալ Ասատ Իրան մեկնեցաւ ու հանդիպում ունեցաւ Իրանի Իսլամական Յեղափոխութեան ղեկավար Այաթուլլահ Սեյիտ Ալի Խամինաիի հետ:
Հանդիպումին ընթացքին, կողմերը խօսեցան երկու բարեկամ երկիրներուն եղբայրական կայուն յարաբերութեան մասին՝ շեշտելով, որ պատերազմի դաժան տարիներուն, այս յարաբերութիւնը գլխաւոր գործօնը հանդիսացաւ հակառակորդ պետութիւններուն դէմ Սուրիոյ եւ Իրանի մաքառումին:
Նախագահ Ասատ հանդիպում ունեցաւ նաեւ Իրանի Հանրապետութեան նախագահ Հասան Ռոհանիի հետ: Հանդիպումին ընթացքին կողմերը գոհունակութիւն յայտնեցին երկու երկիրներու յարաբերութեան ռազմավարական մակարդակի բարձրացման գծով:

Share.

Leave A Reply

This site uses Akismet to reduce spam. Learn how your comment data is processed.