ՍՆՆԴԱՄԹԵՐՔՆԵՐ, ՈՐՈՆՑ ՅԱՃԱԽԱԿԻ ՕԳՏԱԳՈՐԾՈՒՄԸ ԿԸ ՄԱՔՐԷ ԵՐԱԿՆԵՐԸ

0

Մեր երակներուն վատացումը մարմինի կենսական օրկաններու արեան շրջանառութեան խանգարումին պատճառ կրնայ հանդիսանալ: Աթրոսքլորոզը այնպիսի վիճակ մըն է, որուն ընթացքին երակներուն պատերը կը խցանուին, հետեւաբար արեան հոսքը կը դժուարանայ, իսկ երակները կը կորսնցնեն իրենց ճկունութիւնը: Աթրոսքլորոզի ընդհանրացած հետեւանքներէն կարելի է համարել սրտային հիւանդութիւններն ու սրտային անբաւարարութեան յառաջացումը: Կանխարգիլման ու բուժման համար պէտք է նուազեցնել քոլեսթրոլի (ճարպաիւղ) բարձր պարունակութիւն ունեցող սննդամթերքներու օգտագործումը, սնանիլ թարմ բանջարեղէնով ու պտուղներով եւ վերջապէս՝ վարել առողջ ապրելակերպ:
Ստորեւ կը ներկայացնենք այն մթերքներուն ցանկը, որոնք բնական ձեւոով կը մաքրեն երակները:

Սխտոր
Սխտորը հին ժամանակներէն ի վեր կ’օգտագործուի տարատեսակ հիւանդութիւններու բուժման համար, ներառեալ՝ սրտի հիւանդութիւններն ու արեան բարձր ճնշումը: Բազմաթիւ հետազօտութիւններու արդիւնքները ցոյց կու տան, որ սխտորը կ’օգնէ արիւնատար երակներու պատերուն խցանումները կանխելու մէջ:

Խաղող
Խաղողը կը կարգաւորէ օրկանիզմի ճարպային փոխանակութիւնը, կը նուազեցէ երակներու խցանումին վտանգը, կը կանխէ սրտային հիւանդութիւններու զարգացումը:

Ձիթապտուղի իւղ
Բժիշկներ հաստատած են ձիթաիւղին օգտակար յատկութիւնները: Անոր կանոնաւոր գործածութիւնը կը նուազեցնէ արեան մէջ վատ քոլեսթրոլի կուտակումը:

Հապալաս
Շաբաթը ընդամէնը 3 բաժակ հապալասի հիւթը արդիւնաւէտ կերպով կը հեռացնէ երակներու պատի ներքին մակերեսին քոլեսթրոլային կուտակումները: Ան կը բարձրացնէ բջիջներուն՝ ճարպը կլանելու ունակութիւնը՝ թոյլ չի տար որ ճարպը կուտակուի արիւնատար երակներուն մէջ:

Լոլիկ
Քորեացի գիտնականներուն հետազօտութիւնները ցոյց տուած են, որ լոլիկը կը պարունակէ լիքոպէն կոչուած նիւթը, որ կը կանխէ երակներու պատերուն հաստացումը: Այս նիւթը օժտուած է նաեւ ուռուցքներ յառաջանալու դէմ դնելու յատկութեամբ: Ան կը դանդաղեցնէ նաեւ ծերացման գործընթացը: Լոլիկին կանոնաւոր գործածութիւնը կը նուազեցնէ նաեւ սրտանօթային հիւանդութիւններու յառաջացման հաւանականութիւնը:

Շոմին
Շոմինը Քալսիումի եւ ֆոլաթթուի հարուստ աղբիւր է: Այս իսկ պատճառով, ան կը կանխէ քոլեսթրոլի յառաջացումը ու մարդը կը պաշտպանէ սրտային անբաւարարութեան զարգացումէն:

Քիուի եւ սեխ
Քիուին ու սեխը ծանօթ են հակաօքսիտանդներու բարձր պարունակութեամբ: Այս իսկ պատճառով անոնք կը նուազեցնեն քոլեսթրոլին մակարդակը: Սեխի եւ քիուիի ամենօրեայ գործածութիւնը շատ արագ կը մաքրէ երակները:

Նուռ
Նուռը կը կանխէ աթերոսկլորոզի զարգացումը ու կը դանդաղեցնէ արիւնատար երակներու պատերու կոշտացման գործընթացը:

Վարսակ
Վարսակը մեծ քանակով լուծուող մանրաթել կը պարունակէ: Ուստի անոր օգտագործումը կը խոչընդոտէ օրկանիզմին մէջ քոլեսթրոլի կուտակումը: Օրական ընդամէնը 1,5-2 գաւաթ վարսակի շիլան կարելիութիւն ունի արեան մէջ քոլերսթրոլի պարունակութիւնը 20%-ով նուազեցնելու:
Ընդհանուր առմամբ երակները մաքրելու համար պէտք չէ դիմել ծայրայեղ միջոցներու կամ առանձնայատուկ սննդակարգ պահպանել: Բաւարար է առողջ ապրելակերպ վարել ու օգտագործել վերոնշեալ սննդամթերքները:

Share.

Leave A Reply

This site uses Akismet to reduce spam. Learn how your comment data is processed.