ԲՌՆՑՔԱՄԱՐՏ

0

Բռնցքամարտը կամ Պոքսինկը մարզաձեւ մըն է, բռունցքներով մենամարտ մը (յատուկ կանոններով), որ տեղի կ’ունենայ 2 մարզիկներու միջեւ։ Բռնցքամարտիկները կը հագնին կաշիէ փափուկ ձեռնոցներ, որոնք կը թուլցնեն հարուածին ուժգնութիւնը եւ կը պաշտպանեն դաստակը։ Մրցումին մասնակիցները կը բաժնուին իրենց ծանրութեան, տարիքին ու մարզական պատրաստուածութեան համաձայն։ Մարտավարական առումով պոքսինկը մարզանքի բարդ ձեւ մըն է։ Մարտի մասնակիցներուն նպատակն է իրար հարուածել: Իւրաքանչիւրը որքան որ կարենայ հարուածել դիմացինը, այնքան միաւոր կը շահի։ Արտօնուած է հարուածել դէմքը եւ իրանը ։ Յաղթանակը կը շնորհուի առաւել միաւորներ վաստկած մարզիկին։ Մարտի տեւողութիւնը 9 վայրկեան է, ան բաղկացած է 3 վայրկեաննոց 3 մրցամասերէ՝ մէկական վայրկեաննոց երկու դադարով։ Մարտը տեղի կ’ունենայ ռինկ կոչուած հարթակին վրայ, որը 6×6 մեթր երկարութեամբ պարաններով շրջափակուած կ’ըլլայ: Պոքսինկը կը նպաստէ սրտանոթային եւ շնչառութեան գործարաններու կատարելագործումին։ Պոքսինկի ընթացքին մարզիկներուն ձեռքերն ու դէմքը յաճախ կը վնասուին։ Մարտը վարելու կանոններուն համաձայն՝ դատաւորը կը դադրեցնէ խաղը՝ հակառակորդներէն մէկուն գերազանց խաղալու եւ միաւորներ վաստկելու պարագային։ Վնասներու կանխարգիլման նպատակով բռնցքամարտիկները նախքան մարզումներն ու մրցումները իրենց ձեռքի դաստակները կը փաթթեն յատուկ բամպակեայ կտորներով, իրենց բերնին կը դնեն կաշիէ ատամնապահունակ, սեռական օրկանները հարուածներէ պաշտպանելու համար կը կրեն յատուկ վիրակապեր, կը հագնին պաշտպանական յատուկ սաղաւարտներ։ Իրենց գլխուն յաճախակի հարուածներ ստանալնուն պատճառով ալ, անոնք մշտապէս բժշկական հսկողութեան տակ կը գտնուին։

Պատրաստեց
Պետիկ Աշոտեան

Share.

Leave A Reply

This site uses Akismet to reduce spam. Learn how your comment data is processed.