ՉԻՆԱՍՏԱՆ ԹՈՒՐՔԻՈՅ ՄԷՋ ԻՐ ԳԼԽԱՒՈՐ ՀԻՒՊԱՏՈՍՈՒԹԻՒՆԸ ՓԱԿԱԾ Է

0

Չինաստան Բեքինի եւ Անգարայի յարաբերութիւններուն լարուածութեան լոյսին տակ յայտնած է, թէ Թուրքիոյ արեւմուտքը գտնուող Իզմիր քաղաքի գլխաւոր հիւպատոսութիւնը ժամանակաւորապէս որոշած է փակել:
«ԱՐՑԱԽՓՐԷՍ»ի համաձայն, Իզմիրի մէջ Չինաստանի գլխաւոր հիւպատոսութեան պաշտօնական բացումը Սեպտեմբեր 2015 թուականին տեղի ունեցած էր եւ առ այսօր Չինաստանի եւ Իզմիրի շրջանի գործակցութեան բարելաւման ծառայած է: 28 Փետրուար 2019-ին չինական կողմը Իզմիրի գլխաւոր հիւպատոսութիւնը ժամանակաւորապէս փակել որոշած է եւ Անգարան տեղեկացուցած է այս մասին: Թրքական կողմը յայտարարած է, թէ սոյն որոշումը ըմբռնումով կ՛ընդունի: Այժմ դիւանագիտական եւ հիւպատոսական ամբողջ աշխատանքը հիւպատոսութեան փոխարէն Անգարայի Չինաստանի դեսպանատունը կը կատարէ:
Փետրուարի սկիզբը Թուրքիոյ արտաքին քաղաքականութեան վարչութեան պաշտօնական ներկայացուցիչը չինական իշխանութիւններուն «անօրինական բանտարկեալները» ազատ արձակելու եւ «համակեդրոնացման ճամբարներն ու բանտերը» փակելու կոչ ուղղած էր: Հետագային Բեքին Թուրքիոյ արտաքին գործոց նախարարի ներկայացուցիչին յայտարարութեան համաձայն, Անգարային Սինցզեան-օյղուրական ինքնավար շրջանի համակեդրոնացման ճամբարներու օյղուրներուն ուղղուած գործունէութեան մասին ներկայացուցած էր:

Share.

Leave A Reply

This site uses Akismet to reduce spam. Learn how your comment data is processed.