ԶԻՆԵԱԼ ԽՄԲԱՒՈՐՈՒՄՆԵՐ ՀՐԹԻՌԱԿՈԾԵՑԻՆ ՀԱՄԱՅԻ ՀԻՒՍԻՍԱՅԻՆ ԳԻՒՂԵՐԸ

0

Երեքշաբթի, 6 Մարտ 2019-ին, զինեալ ահաբեկչական խմբաւորումներ, խախտելով Իտլիպի շրջակայքը զինեալ գործողութիւններէ զերծ պահելու համաձայնագիրը, հրթիռակոծեցին Համայի հիւսիսարեւմտեան շրջանի Ճորին գիւղը, որուն հետեւանքով հինգ քաղաքացի վիրաւորուեցաւ:ՍԱՆԱ-ի Համայի թղթակիցը հաղորդեց, որ Համայի եւ Իտլիպի վարչական սահմանին մօտ գտնուող Սարմինի գիւղին մէջ կայք հաստատած զինեալ ահաբեկչական խմբաւորումներ մէկէ աւելի հրթիռներ արձակեցին Ճորին գիւղին ուղղութեամբ, ինչ որ մարդկային եւ նիւթական վնասներու պատճառ հանդիսացաւ:«Ճապհաթ ալ Նուսրա» ահաբեկչական խմբաւորման մաս կազմող զինեալներ, որոնք կայք հաստատած են Իտլիպի սահմանակից Համայի հիւսիսային շարք մը գիւղերու եւ աւաններու մէջ, յաճախ խախտելով Իտլիպի շրջակայքը զինեալ գործողութիւններէ զերծ պահելու համաձայնագիրը, կը հրթիռակոծեն Համայի հիւսիսային շրջանի սուրիական բանակին կեդրոնները եւ խաղաղ բնակիչներով բնակուած գիւղերը:Աղբիւրին համաձայն, սուրիական բանակը պատասխանելով ահաբեկչական խմբաւորումներու խախտումներուն, հրթիռակոծած ու քանդած է անոնց զինապահեստի կեդրոնները:

Share.

Leave A Reply

This site uses Akismet to reduce spam. Learn how your comment data is processed.