ՊՈԼՍՈՅ ՊԱՏՐԻԱՐՔ ՄԵՍՐՈՊ ԱՐՔԵՊԻՍԿՈՊՈՍ ՄՈՒԹԱՖԵԱՆԸ ՎԱԽՃԱՆԱԾ Է

0

Կ. Պոլսոյ հայոց 84-րդ Պատրիարք Մեսրոպ Բ Մութաֆեան այսօր վախճանած է: Արդէն երկար տարիներ Սբ. Փրկիչ հայկական հիւանդանոցի մէջ բուժուող Մութաֆեան այսօր առաւօտուն իր մահկանացուն կնքած է:

Մութաֆեան14 Հոկտեմբեր 1998 թ. Պոլսոյ պատրիարք ընտրուած էր , սակայն 10 տարի առաջ հիւանդացած էր: Յայտնաբերուած հիւանդութեան պատճառով իր պարտականութիււնները չէր կրցած կատարել: 2015-ին բժշկական խորհուրդին զեկոյցին համաձայն` Մութաֆեան պատրիարքի պարտականութիւնները ի վիճակի չէր կատարելու։

«Ակօս» պարբերականը յայտնած է, թէ Արքեպիսկոպոս Մեսրոպ Բ. Մութաֆեան գահակալման ընթացքին համայնքային կեանքի աշխուժացման համար հսկայական ջանք թափած է:

Մութաֆեան ծնած է 16 Յունիս 1956-ին Ստամպուլի մէջ: 1977-ին սարկաւագ ձեռնադրուած է: 2008-ին Արամ Արքեպիսկոպոս Աթէշեան անոր փոխանորդ կը նշանակուի: Մութաֆեան պատրիարքական պարտականութիւնները կատարելու անկարող ըլլալուն համար Պոլսոյ Պատրիարքի աթոռանիստէն ներս ներհամայնքային հարցեր կը յառաջանայ ու պետութիւնը միջամտութիւն կը կատարէ:

Share.

Leave A Reply

This site uses Akismet to reduce spam. Learn how your comment data is processed.