ԱՏՐՊԷՅՃԱՆ ԵԱՀԿ ՄԻՆՍՔԻ ՀԱՄԱՆԱԽԱԳԱՀՆԵՐՈՒՆ ՅԱՅՏԱՐԱՐՈՒԹԻՒՆԸ Կ’ՈՂՋՈՒՆԷ

0

«Երկիր» կը հաղորդէ, որ Ատրպէյճան ԼՂ հարցի կարգաւորումին համար ԵԱՀԿ Մինսքի խումբի արդիւնաւէտ ու լարուած բանակցութիւններուն միջոցով որդեգրած ջանքերը կ’ողջունէ: Այս առնչութեամբ Ատրպէյճանի Արտագին Գործոց  Նախարարութեան մամլոյ խօսնակ Լեյլա Ապտուլաեւա մեկնաբանելով ԵԱՀԿ Մինսքի խումբի համանախագահներուն յայտարարութիւնը` յառաջիկային տեղի ունենալիք Փաշինեան-Ալիեւ հանդիպումին մասին ակնարկելով ըսած է.  «Ատրպէյճան բանակցային գործընթացին կողմ ըլլալով,  միշտ բանակցութիւններու պատրաստ է: ԵԱՀԿ Մինսքի խումբի համանախագահներուն այս յայտարարութիւնը Հայաստանի համար եւս ազդակ է, զոր մենք կ’ողջունենք: Ատրպէյճանի ու Հայաստանի միջեւ ծայր առած հակամարտութեան կարգաւորումին նպաստող բանակցութիւնները ընթացքի մէջ են: Բանակցութիւններուն ձեւաչափը անփոփոխ պէտք է մնայ»:

Ապա ան դիտել տուած է, որ Արցախի ներգրաւումը բանակցային գործընթացին անընդունելի է:

Share.

Leave A Reply

This site uses Akismet to reduce spam. Learn how your comment data is processed.