ՀՀ ՆԱԽԱԳԱՀՆ ՈՒ ՆԱԹՕ-Ի ՊԱՇՏՕՆԵԱՆ ՀԱՅԱՍՏԱՆԻ ՄԻՋԱԶԳԱՅԻՆ ԽԱՂԱՂԱՊԱՀ ԳՈՐԾՈՂՈՒԹԻՒՆՆԵՐՈՒՆ ԱՐԴԻՒՆԱՒԷՏ ՄԱՍՆԱԿՑՈՒԹԻՒՆԸ ԿԱՐԵՒՈՐ ՀԱՄԱՐԱԾ ԵՆ

0


«Արմէնփրէս» կը հաղորդէ, որ Հայաստանի Հանրապետութեան Նախագահ Արմէն Սարգսեան Հարաւային Կովկասի եւ Կեդրոնական Ասիոյ ՆԱԹՕ-ի գլխաւոր քարտուղարի յատուկ ներկայացուցիչ Ճէյմս Ապաթուրայնը ընդունած է:

ՀՀ Նախագահը Հայաստանի Հանրապետութիւն-ՆԱԹՕ յարաբերութիւններու ներկայ մակարդակը եւ բազմակողմանի գործակցութիւնը բարձրօրէն  գնահատած է:

Ճէյմս Ապաթուրայն յայտնած է, որ Հայաստան դաշինքի կայուն եւ վստահելի գործընկերն է:

Զրուցակիցները կարեւոր համարած են ՆԱԹՕ-Հայաստան գործակցութիւնը տարբեր ոլորտներէ ներս, յատկապէս միջազգային խաղաղապահ գործողութիւններուն Հայաստանի արդիւնաւէտ մասնակցութիւնը լուսարձակի տակ առած են: Տարածաշրջանային եւ միջազգային զարգացումներուն մասին ալ միտքեր փոխանակուած են:  

Share.

Leave A Reply

This site uses Akismet to reduce spam. Learn how your comment data is processed.