IDC-Ն ՊՈԼՍՈՅ ՀԱՅՈՑ ՊԱՏՐԻԱՐՔԻ ԸՆՏՐՈՒԹԵԱՆ ՉՄԻՋԱՄՏԵԼՈՒ ԿՈՉ ՈՒՂՂԵՑ ԱՆԳԱՐԱՅԻՆ

0

Հայաստանի հանրային ձայնասփիւռի կայանը հաղորդեց, որ Միջին Արեւելքի Քրիստոնեաներու Պաշտպանութեան Խորհուրդը՝ «Ի Պաշտպանութիւն Քրիստոնեաներուն»ը, կոչ ուղղեց Թուրքիոյ իշխանութիւններուն, որ միջամուխ չըլլան Պոլսոյ Հայոց յաջորդ պատրիարքը ընտրելու գործընթացին։
Պոլսոյ Հայոց 84-րդ պատրիարքին՝ Մեսրոպ Արք. Մութաֆեանի վախճանման առիթով իր հրապարակած ցաւակցական յայտարարութեան մէջ, կազմակերպութիւնը նաեւ յիշեցուց, որ Անգարա արդէն իսկ քանի մը առիթներով կասեցուցած է նոր պատրիարք մը ընտրելու նպատակով սկսած գործընթացը։
«Եկեղեցիները իրաւունք պէտք է ունենան ընտրելու իրենց առաջնորդները, առանց պետութեան միջամտութեան», շեշտեց «Ի Պաշտպանութիւն Քրիստոնեաներուն»ի Խորհուրդի նախագահ Թաուֆիք Պաաքլինի։

Share.

Leave A Reply

This site uses Akismet to reduce spam. Learn how your comment data is processed.