ԳԵՂԵՑԻԿ ԱՇՈՒՆԸ

0

ՊԱՏԱՆԻ ԳՐՈՂՆԵՐՈՒ ԱԿՈՒՄԲ

Բերիոյ Հայոց Թեմի Ուսումնական Խորհուրդը նորահաս հայ սերունդին մօտ մայրենիին հանդէպ յաւելեալ հետաքրքրութիւն ու սէր յառաջացնելու, անոր բանաւոր թէ գրաւոր արտայայտուելու կարողութիւնը բարելաւելու համար յառաջացուց «Պատանի Գրողներու Ակումբ»ը, որուն մաս կազմեցին հալէպահայ վարժարաններու Ե. Զ. Է. եւ Ը. կարգերու աշակերտներ:
«Պատանի Գրողներու Ակումբ»ին անդամները երկշաբաթեայ դրութեամբ խմբուեցան հիւրընկալ հայ վարժարանէ մը ներս, գրեցին Ուսումնական Խորհուրդին կողմէ թելադրուած շարադրութիւններ, օգ- տուեցան Խորհուրդին կողմէ տրամադրուած քերականական եւ ուղղա-գրական ընդհանուր օրէնքներու եւ ցուցմունքներու թղթիկներէն եւ քաջալերուած համարձակօրէն իրենց մտքերը թուղթին յանձնեցին: Աշխատանքին իրենց մշտական ներկայութեամբ հսկեցին ու թելադրանքներ տուին նաեւ հայկական վարժարաններու հայերէնաւանդ ուսուցչուհիները: Ողջունելի էր նաեւ հայկական վարժարաններու տնօրէնութեանց գործակցութիւնը:
Քաջալերելու համար մեր աշակերտները, որպէս նախաքայլ այս սիւնակով պարբերաբար կը հրատարակենք անոնցմէ ոմանց շարադրութիւնները:

Աշունը իմ նախասիրած եղանակն է: Շատ կը սիրեմ աշնան Սեպտեմբեր, Հոկտեմբեր եւ Նոյեմբեր ամիսները:
Կը սիրեմ աշունը, որովհետեւ աշնան ծառերուն տերեւները կը թափին ու հազար գոյն կը բաշխեն դաշտերուն՝ շատ գեղեցիկ տեսք մը տալով անոնց: Երբ օդը կը սկսի պաղիլ, ծիծեռնակները ճիւղէ-ճիւղ թռչելով կը լքեն իրենց շինած բոյնը ու կը գաղթեն դէպի աւելի տաք վայրեր:
Գարնան կը յիշեն իրենց հին բոյնը, կարօտով կը վերադառնան եւ կը շինեն նոր բոյներ:

Աննա Մարիա Խոշաֆեան
Է. կարգ
Կիլիկեան Ճեմարան

Share.

Leave A Reply

This site uses Akismet to reduce spam. Learn how your comment data is processed.