ԸՆԿԵՐՈՒԹԵԱՆ ԱՐԺԷՔԸ

0

ՊԱՏԱՆԻ ԳՐՈՂՆԵՐՈՒ ԱԿՈՒՄԲ

Բերիոյ Հայոց Թեմի Ուսումնական Խորհուրդը նորահաս հայ սերունդին մօտ մայրենիին հանդէպ յաւելեալ հետաքրքրութիւն ու սէր յառաջացնելու, անոր բանաւոր թէ գրաւոր արտայայտուելու կարողութիւնը բարելաւելու համար յառաջացուց «Պատանի Գրողներու Ակումբ»ը, որուն մաս կազմեցին հալէպահայ վարժարաններու Ե. Զ. Է. եւ Ը. կարգերու աշակերտներ:
«Պատանի Գրողներու Ակումբ»ին անդամները երկշաբաթեայ դրութեամբ խմբուեցան հիւրընկալ հայ վարժարանէ մը ներս, գրեցին Ուսումնական Խորհուրդին կողմէ թելադրուած շարադրութիւններ, օգտուեցան Խորհուրդին կողմէ տրամադրուած քերականական եւ ուղղագրական ընդհանուր օրէնքներու եւ ցուցմունքներու թղթիկներէն եւ քաջալերուած համարձակօրէն իրենց մտքերը թուղթին յանձնեցին: Աշխատանքին իրենց մշտական ներկայութեամբ հսկեցին ու թելադրանքներ տուին նաեւ հայկական վարժարաններու հայերէնաւանդ ուսուցչուհիները: Ողջունելի էր նաեւ հայկական վարժարաններու տնօրէնութեանց գործակցութիւնը:
Քաջալերելու համար մեր աշակերտները, որպէս նախաքայլ այս սիւնակով պարբերաբար կը հրատարակենք անոնցմէ ոմանց շարադրութիւնները:

Կեանքի ամէնէն թանկագին նուէրը հարազատ ընկեր ունենալն է: Ինչպէս իւրաքանչիւր մարդ կատարեալ չէ, նոյնպէս ալ ընկերը: Բաւական է որ ան ըլլայ հարազատ, ունենայ բարի սիրտ, անկեղծ վարմունք ու միշտ պատրաստ ըլլայ օգնելու:
Ես կը վայելեմ այդ թանկագին նուէրը: Ունիմ ընկերուհի մը, որ շատ աշխատասէր, ընկերային ու տիպար աշակերտուհի մըն է: Ան շատ բարեսիրտ է ու միշտ պատրաստ է փոքրերուն եւ ծերերուն օգնելու: Մեր սիրտերը շատ մօտ են, երբեմն նոյն արտայայտութիւնները կ’ունենանք, բայց մեր նախասիրութիւնները կը տարբերին:
Բախտաւոր եմ այսպիսի ընկերուհի մը ունենալուս համար: Անոր հետ շատ լաւ յիշատակներ կը բաժնեկցիմ:

Մեղեդի Հալապի
Ը. կարգ
Մխիթարեան Վարժարան

Share.

Leave A Reply

This site uses Akismet to reduce spam. Learn how your comment data is processed.