ԿԵ՞ՂԾ ԷԻՆ, ԹԷ ՈՉ ՆՈՐ ԶԵԼԱՆՏԱՅԻ ԱՀԱԲԵԿԻՉՆԵՐՈՒ ԶԷՆՔԵՐՈՒՆ ՎՐԱՅ ՀԱՅԵՐԷՆ ՈՒ ՎՐԱՑԵՐԷՆ ԳՐԱՌՈՒՄՆԵՐԸ

0

Նոր Զելանտայի մէջ ահաբեկչութեան մասին լուրը ցնցած է համացանցը: Հայկական ու վրացական տիրոյթները ցնցուած են զէնքերու պահունակներուն վրայ տեսնուած հայերէն ու վրացերէն գրութիւններէն: Sputnik Արմենիան կը պարզէ, թէ կե՞ղծ են ատոնք, թէ ոչ:

Sputnik Արմենիայի թղթակիցին հետ զրոյցին տեղեկատուական անվտանգութեան փորձագէտ Սամուէլ Մարտիրոսեան ըսած է, որ հայերէն ու վրացերէն գրութիւնները կրնան արձանագրուած ըլլալ ահաբեկչութիւն իրագործող անձանց կողմէ:
Երէկ, Նոր Զելանտայի Քրայսթչըրչ քաղաքի երկու մզկիթներուն ուղղութեամբ ահաբեկչական յարձակում տեղի ունեցած էր: 49 մարդ մահացած էր: Յարձակողնէրէն մէկը28–ամեայ աւստրալիացի Պրենթըն Թարանտ, յայտարարութիւն մը տարածած էր, ուր յայտնած իր մտադրութիւնը, ընդգծելով, որ «ատիկա ահաբեկչութիւն է»: Հրաձգութեան ընթացքին գրոհայիններէն մէկը ուղիղ եթեր մտած էր: Աւելի ուշ համացանցի վրայ ահաբեկիչներու զէնքերու պահունակներու լուսանկարներ յայտնուած էին, ուր սպիտակ ներկով տարբեր լեզուներով, ներառեալ հայերէն ու վրացերէն, գրառումներ երեւցած էին:
Հրապարակումներէն մէկը տարածած էր արաբագէտ Սարգիս Գրիգորեան:
Վրացերէնով գրառման լուսանկարը հրապարակած էր Daily Mail–ը: Պահեստատուփին վրայ գրուած էին Վրաստանի արքայ Դաւիթ Շինարարի ու Թամար թագուհիի ամուսին Դաւիթ Սօսլանի (XI-XII դարեր) անունները:
Sputnik Արմենիայի տեղեկութեան համաձայն, Վրաստանի Պետական Անվտանգութեան Ծառայութիւնը կը համագործակցի Նոր Զելանտայի իշխանութեան հետահաբեկիչներուն Վրաստանի հետ ենթադրեալ կապը պարզելու համար: Հայերէն գրութեան պարագային կը յիշատակուի Սարիղամիշի ճակատամարտը (ան սկսած է 22 Դեկտեմբեր 1914-ին եւ աւարտած 17 Յունուար 1915-ին ռուսական զօրքին յաղթանակով: Թուրքերը մինչեւ 90 հազար մարդ կորսնցուցած են):
Սակայն լուսանկարները բաւական համոզիչ չեն համարուած համացանցի ո՛չ հայկական. ո՛չ վրացական տիրոյթի օգտատէրերուն: Շատեր կ՛ենթադրեն, թէ ատիկա «ֆոթոշափ»ով ձեւաւորուած հնարք է:
«Քանի որ Հայաստան քրիստոնէական ու իսլամական մշակոյթներու սահմանակէտին է, շատ յաճախ ծայրայեղական տարրեր կը ներառեն ինչպէս Հայաստանը, այնպէս ալ Վրաստանը գաղափարախօսական իրենց պատերազմին ու քարոզչութեան մէջ», ըսած է Մարտիրոսեան:
Ան դիտել տուած է, որ հակուած չէ լուսանկարները կեղծ համարելուն, բայց հարիւր առ հարիւր չի պնդեր:
«Ամենայն հաւանականութեամբ` ահաբեկիչները որոշած են շարք մը պատմական իրադարձութիւններ միացնել ու կրօնական հողի վրայ քաղաքակրթական ահաբեկչութիւն կազմակերպել», ըսած է ան:

Share.

Leave A Reply

This site uses Akismet to reduce spam. Learn how your comment data is processed.