ՀԱՅ ԴԻՐՔԱՊԱՀՆԵՐ ՀՀ ՊԵՏԱԿԱՆ ՍԱՀՄԱՆԸ ՀԱՏԱԾ ԱՏՐՊԷՅՃԱՆՑԻՆ ՎՆԱՍԱԶԵՐԾԱԾ ԵՆ

0

«Արմէնփրէս» կը յայտնէ, որ ՀՀ հիւսիսարեւելեան սահմանագօտիին, N զօրամասի պահպանութեան տեղամասին մէջ, 16 Մարտին, ժամը 01։30-ին, հայ դիրքապահներուն կողմէ ՀՀ պետական սահմանը խախտած անյայտ անձ մը յայտնաբերուած, նախազգուշացուած եւ նախազգուշացման չենթարկուելէն յետոյ վնասազերծուած է։ ՀՀ Պաշտպանութեան Նախարարութեան խօսնակ Արծրուն Յովհաննիսեան դիտել տուած է որ.«Հրազէնային վիրաւորումէն ետք, անմիջապէս առաջին բուժօգնութիւն ցուցաբերուած է անոր, ապա ան հիւանդանոց տեղափոխուած է։ Անոր կեանքին վտանգ չի սպառնար։ Իր մօտ յայտնաբերուած փաստաթուղթերուն համաձայն, անձը Ատրպէյճանի Հանրապետութեան Ղազախի շրջանի բնակիչ է, 1986-ի ծնեալ Էլվին Արիֆ Օղլու Հիպրակիմով։ Եղելութիւնը ՀՀ Ազգային Անվտանգութեան Ծառայութեան քննչական բաժինին, իբրեւ քրէական գործ յարուցուած ըլլալով, նախաքննութեան ենթակայ է»։

Share.

Leave A Reply

This site uses Akismet to reduce spam. Learn how your comment data is processed.