ԵՒՐՈՊԱՅԻ ՀԱՅ ԴԱՏԻ ՅԱՆՁՆԱԽՈՒՄԲԻՆ ՀԵՏ ԱՇԽԱՏԱՆՔԱՅԻՆ ՔՆՆԱՐԿՈՒՄ

0

ՀՅԴ Հայաստանի Գերագույն Մարմնի արտաքին քաղաքականութեան, Սփիւռքի եւ հայրենադարձութեան հարցերու ոլորտային յանձնախումբը ՀՅԴ «Արամ Մանուկեան» երիտասարդական կեդրոնէն ներս 14 Մարտ 2019-ին հանդիպում-քննարկում կազմակերպած էր ՀՅԴ Եւրոպայի Հայ Դատի Յանձնախումբի նախագահ Գասպար Կարապետեանի եւ յանձնախումբի գործադիր տնօրէն Հեղինէ Էւինեանի հետ:

Հանդիպման ընթացքին Հեղինե Էւինեան ներկաներուն ծանոթացուցած է ՀՅԴ Եւրոպայի Հայ Դատի գրասենեակի գործունէութիւնը, մասնաւորապէս` Եւրոպայի մէջ հայկական շահերու պաշտպանութիւնը, հայկական կազմակերպութիւններու կողմէն իրագործուող հանրային դիւանագիտութիւնը, Եւրոպական խորհրդարանի քաղաքական խումբերուն հետ համագործակցութիւնը եւ այլն:

Գասպար Կարապետեան Եւրոպայի Խորհուրդի Խորհրդարանական վեհաժողովին (ԵԽԽՎ) և Եւրանեսթի մասին Հայաստանի խորհրդարանական դիւանագիտութեան մարտահրաւէրներուն եւ Արցախեան հիմնահարցի ներեւրոպական զարգացումներուն անդրադարձած է։

Ապակեդրոն գործակցութեան, ապակեդրոն ճանաչման և Արցախի Հանրապետութեան միջազգային ճանաչման գործընթացին հետ առնչուող խորհրդարանական կապերուն անդրադարձ կատարուած է : ՀՅԴ Հայ Դատի Եւրոպայի գրասենեակի ատրպէյճանա-թրքական մեքենային կողմէ Եւրոպայի մէջ իրականացած հակահայ քաղաքականութեան ու նախաձեռնութիւններուն հակազդելու ջանքերը քննարկուած են:

Share.

Leave A Reply

This site uses Akismet to reduce spam. Learn how your comment data is processed.