ՄԱՐԶԱԿԱՆ՝ ՄԱՐՏ Գ./2019

0

ՀԱՅԿԱԿԱՆ

ԱՆՈՅՇ ԳՐԻԳՈՐԵԱՆ ՆՈՒԱՃԵՑ ԵՒՐՈՊԱՅԻ ԲՌՆՑՔԱՄԱՐՏԻ ՏԻՏՂՈՍԸ
Հայաստանը ներկայացնող բռնցքամարտիկ Անոյշ Գրիգորեան շարունակելով իր յաղթական մրցումները, Վլադիկավկազի մէջ ընթացող բռնցքամարտի Եւրոպայի ախոյեանութեան աւարտական մրցումին հասաւ: Ըստ Հայաստանի բռնցքամարտի դաշնութեան մամլոյ ծառայութեան, 51 քլկ. Ծանրութիւն ունեցող Անոյշը ախոյեանութեան եզրափակիչ մըրցումին յաղթեց ռուս բռնցքամարտիկին եւ նուաճեց ախոյեանի կոչումը:
Յիշեցնենք, որ կիսաեզրափակիչ մրցումին, Անոյշ Գրիգորեան յաղթած էր Իտալիոյ ներկայացուցիչին:

ՄԻՋԱԶԳԱՅԻՆ

ԶԵՆԱՏՏԻՆ ԶԻՏԱՆ ՎԵՐԱԴԱՐՁԱՒ ԱՐՔԱՅԱԿԱՆ ԱԿՈՒՄԲ
Սպանիոյ մայրաքաղաքի արքայական ակումբ Ռէալ Մատրիտի վարչակազմը պաշտօնապէս ներկայացուց խումբ վերադարձած մարզիչ Զենատտին Զիտանը: Այդ մասին յայտարարութիւն կատարեց սպանական ակումբի պաշտօնական կայքը: Ֆրանսացի մասնագէտը թագաւորական ակումբին հետ պայմանագրութիւն կնքեց մինչեւ 2022 թուականի ամառը, ակումբին մարզիչը մնալու: Ան փոխարինեց արժանթինցի Սանթիակօ Սոլարին, որ անցեալ շաբթուան աւարտին պաշտօնազրկուեցաւ:
Յիշեցնենք, որ Զիտան Ռէալը գլխաւորած էր 2016 թուականէն մինչեւ 2018-ի Յունիսը: Այդ ընթացքին մատրիտցիները անոր գլխաւորութեամբ երեք անգամ յաղթեցին Չեմպիընզ Լիկին, 2 անգամ ՈՒԵՖԱ-ի սուփըր բաժակին ու աշխարհի ակումբային առաջնութեան տիրացան, մէկ անգամ դարձան Սպանիոյ ախոյեան եւ Սուփըր բաժակակիր:

ԻՐԱԿԱՆԱՑԱՒ «ՉԵՄՓԻԸՆԶ-ԼԻԿ» ԵՒ «ԻՒՐՈՓԱ ԼԻԿ» ՔԱՌՈՐԴ ԱՒԱՐՏԱԿԱՆԻ ՄՐՑՈՒՄՆԵՐՈՒՆ ՎԻՃԱԿԱՁԳՈՒԹԻՒՆԸ
Ուրբաթ, 15 Մարտին Նիոնի մէջ (Զուիցերիա) տեղի ունեցաւ Եւրոպայի ակումբային «Չեմփիընզ Լիկ»ի եւ «Իւրոփա Լիկ»ի ֆութպոլի մրցաշարքերուն քառորդ աւարտականի մրցումներուն վիճակաձգութիւնը:
«Չեմփիընզ Լիկ»ի քառորդ եզրափակիչի մրցումներուն , Պարսելոնան կը մրցի Մանչեսթըր Իւնայթըտի դէմ, իսկ Իւվենթուս՝ Այաքս Ամսթերտամի դէմ, Լիվըրփուլ՝ Փորթոյի դէմ: Չորրորդ ճակատումը դարձաւ անգլիական զոյգ ակումբներուն միջեւ ամէնէն հետաքրքրականը: Կողմերն էին՝ Թոթենհամը եւ Մանչեսթըր Սիթին: Երթի մրցումները տեղի կ’ունենան 9-10 Ապրիլին, իսկ դարձի մրցումները՝ 16-17 Ապրիլին: «Իւրոփա Լիկ»ի վիճակաձգութենէն վերջ հետեւեալ արդիւնքը արձանագրուեցաւ.- Նափոլի ՝ Արսենալի դէմ, Սլաւիա՝ Փրակա – Չելսիի, Վիարէալ՝ Վալենսիոյ, իսկ Պենֆիքան՝ Փորթոյի դէմ:

Պատրաստեց
Ռաֆֆի Սիւլահեան

Share.

Leave A Reply

This site uses Akismet to reduce spam. Learn how your comment data is processed.