ՌԱԿՊԻ

0

Ռակպի 15-ը հաղորդակցական մարզաձեւ մըն է։ Ռակպին սկիզբ առած է Անգլիոյ մէջ 19-րդ դարուն։ Խաղի հիմնական օրէնքը հաւկթաձեւ գնդակը բռնելով վազելն է։ Խաղը նախատեսուած է բաց եւ խոտով ծածկուած դաշտի համար, որ 100 մեթր երկայնք եւ 70 մեթր լայնք պէտք է ունենայ, իսկ դաշտին վերջաւորութեան տեղադրուած պէտք է ըլլան H տառին ձեւը կրող դարպասներ։
Ռակպի 15-ը ներառուած է Միջազգային Ռակպիի Միութեան (ՄՌՄ) խաղերու ցանկին մէջ 1886-էն սկսեալ: Այս մարզաձեւով կը զբաղին 115 երկիրներու մարզիկներ: 1995-ին ՄՌՄ-ն հրատարակեց այս խաղի մարզիկներուն համար նախատեսուած պայմանները, ինչ որ օգնեց մարզաձեւի զարգացման։
Ռակպիի միջազգային առաջին մրցոյթը տեղի ունեցած է 1987-ին, կ’իրականանայ չորս տարին անգամ մը եւ յաղթողին կը յանձնուի ռակպիի հիմնադիր Ուէպ Էլլիսի բաժակը։ Եւրոպական երկիրներու հաւաքականներուն շրջանային մրցումները եւ հարաւային երկիրներու հաւաքականներուն շրջանային մրցումները տեղի կ’ունենան ամէն տարի։ Միջազգային ամենամեծ մրցանակներուն տիրացած են.- ֆրանսական Top 14-ը, անգլիական Guinness Premiership-ը, հարաւափրիկեան Currie Cup-ը եւ Նոր Զելանտայի Air New Zealand Cup-ը։ Միջազգային մրցոյթներուն մաս կը կազմէ նաեւ -Magners League-ը, որուն կը մասնակցին իրլանտական, սկովտիական եւ Ուելզի ակումբները:

Խաղցողներ
Իւրաքանչիւր խումբ ունի 7 խաղցող դաշտին վրայ եւ 5 փոխարինող։
7 հոգինոց ռակպին եւ 15 հոգինոց ռակպին նոյն ձեւի դաշտի վրայ կը խաղցուին։ Ընդհանրապէս 7 հոգինոց ռակպի խաղցողները,15 հոգինոց ռակպի խաղցողներէն աւելի նիհար կ’ըլլան։

Խաղին Տեւողութիւնը
Ռակպի խաղը կ’ընդգրկէ երկու կիսախաղ: Իւրաքանչիւրը կը տեւէ եօթը վայրկեան։ Եթէ երկու խումբերը հաւասար կէտով աւարտեն խաղը, տեղի կ’ունենայ 5 վայրկեաննոց երկարաձգում, մինչեւ որ խումբերէն մէկը կէտ նշանակէ ու շահի։

Պատրաստեց
Պետիկ Աշոտեան

Share.

Leave A Reply

This site uses Akismet to reduce spam. Learn how your comment data is processed.