ՊՈԼՍՈՅ ՀԱՅՈՑ ՊԱՏՐԻԱՐՔԻ ԸՆՏՐՈՒԹԵԱՆ ԸՆԹԱՑՔԻՆ ԷՐՏՈՂԱՆԻ ԻՇԽԱՆՈՒԹԵԱՆ ՄԻՋԱՄՏՈՒԹԻՒՆԸ ԱՆԸՆԴՈՒՆԵԼԻ Է

0

Եւրոպայի Հայ Դատի Յանձնախումբը յայտարարութիւն մը տարածեց Պոլսոյ Հայոց պատրիարք Մեսրոպ արք. Մութաֆեանի վախճանման եւ նոր պատրիարքի ընտրութեան առիթով:
Յայտարարութեան մէջ յանձնախումբը իր վշտակցութիւնը կը յայտնէ պատրիարքի բարեկամներուն եւ Թուրքիոյ հայ համայնքին:
Եւրոպայի Հայ Դատի յանձնախումբի յայտարարութիւնը հետեւեալը կը բովանդակէ. «Եւրոպայի Հայ Դատի յանձնախումբը ուշադրութեամբ պիտի հետեւի նոր պատրիարքի ընտրութեան հոլովոյթին: Պատրիարք Մութաֆեանի հիւանդութեան ամբողջ ընթացքին թրքական իշխանութիւնները կ՛օգտագործէին ամէն առիթ՝ խոչընդոտելու ընտրական հոլովոյթը, պառակտելու հայկական համայնքը եւ թոյլ չտալու նոր պատրիարք ընտրելու իրենց իրաւունքը գործադրելու: Մեսրոպ Մութաֆեան պատրիարքի վախճանումէն ետք Էրտողանի վարչակարգը չի կրնար այլեւս յետաձգել ընտրութիւններու կազմակերպումը: Այսուհետեւ ընտրական հոլովոյթին մէջ թրքական իշխանութիւններու որեւէ միջամտութիւն անընդունելի է: Թուրքիոյ հայերը ազատ են՝ ընտրելու իրենց հոգեւոր առաջնորդը»:

Share.

Leave A Reply

This site uses Akismet to reduce spam. Learn how your comment data is processed.