ՄԻՋԱԶԳԱՅԻՆ ՄԱՄՈՒԼԻՆ ԱՆԴՐԱԴԱՐՁԸ ԹՈՒՐՔԻՈՅ ՄԷՋ ՏԵՂԻ ՈՒՆԵՑԱԾ ՏԻՄ ԸՆՏՐՈՒԹԻՒՆՆԵՐՈՒՆ

0

Միջազգային մամուլը 31 Մարտին Թուրքիոյ մէջ տեղի ունեցած ՏԻՄ ընտրութիւններուն Էրտողանի տարած յաղթանակին եւ խոշոր քաղաքներուն մէջ կրած պարտութեան անդրադարձած է:

Ֆրանսայի մէջ հրատարակուող Le Monde պարբերականը յայտնած է, որ Անգարայի  պարտութիւնը եւ Իսթանպուլի մէջ նշմարուող պարտութիւնը Թուրքիոյ նախագահ Էրտողանի համար մեծ հարուած է:

Ըստ անգլիական Guardian-ի` այս ընտրությունները այս ընտրութիւնները Էրտողանի 16-ամեայ իշխանութեան համար հանրաքուէի վերածուած եւ ցոյց տուած են, որ ժողովուրդին աջակցութիւնը կը նուազի: «Արդիւնքներէն կը նշմարուին, թէ 2002-ին ԱԶԿ իշխանութեան գալէն ի վեր առաջին լուրջ պարտութիւնը կրած է: Ընդդիմութեան գործազրկութենէն եւ ճգնաժամէն դժգոհ ընտրողներուն իր կողմը գրաւելու յոյսերը արդարացած են»:

Financial Times պարբերականը կը գրէ, որ իշխանութիւնը կրնայ հանգստանալ, որովհետեւ անոնց դաշինքը 50 տոկոսէն աւելի ձայն հաւաքած է, սակայն քաղաքներուն մէջ պարտուիլը շահաւէտ գործարքներ կատարելու եւ քաղաքներու աջակցութիւնը ստանալու հնարաւորութիւնը կորսնցուցած ըլլալը կը նշանակէ:

Գերմանական Stuttgarter Nachrichten թերթը յայտնած է. «Յաղթանակի վարժ Էրտողանի կուսակցութիւնը մինչ օրս Թուրքիոյ մէջ աճող բարօրութեան հետ կը գոյակցէր: Սակայն Կիրակի օրը տեղի ունեցած ընտրութիւններուն գործազրկութենէն, ճգնաժամէն, լիրայի արժէզրկումէն դժգոհ ընտրողները նախընտրեցին տունը մնալ կամ հակառակորդ կուսակցութեան օգտին քուէարկել »:

Share.

Leave A Reply

This site uses Akismet to reduce spam. Learn how your comment data is processed.