ԳԵՐՄԱՆԱԿԱՆ ՄԱՄՈՒԼ․ «ԷՐՏՈՂԱՆ ԻՐ ՄԵԾԱՄՏՈՒԹԵԱՆ ՀԱՄԱՐ ԱՐԺԱՆԻ ՊԱՏԻԺ ՍՏԱՑԱԾ Է»

0

«Էրմէնիհապեր».- Գերմանական «Süddeutsche Zeitung» պարբերականը Թուրքիոյ և Էրտողանի մասին ուշագրաւ յօդուած մը հրապարակած է: Աղբիւրին համաձայն` ամերիկեան F-35 ռազմական ինքնաթիռներու մատակարարման դադրեցումը Անգարայի ամբարտաւան պահուածքի համարժէք պատիժ է:

Յօդուածի հեղինակ Ստեֆան Գոռնելիուսի կարծիքով Թուրքիոյ նախագահ Ռեճէպ Թայիպ Էրտողան հակադրուող երկու երկիրներու՝ Ռուսաստանն ու Ամնն իրարու դէմ հանել մտադիր էր, սակայն ան գերագնահատած էր իր ուժերը, որուն  համար ալ համարժէք պատիժ ստացաւ:

Թուրքիոյ նախագահի համար անյաջող արդիւնքներով աւարտած տեղական ինքնակառավարման մարմիններու ընտրութիւններէն մէկ օր յետոյ Ամն-ը Թուրքիոյ մէկ հարուած եւս հասցուց` հրաժարելով համագործակցիլ F-35 յարձակողական ինքնաթիռներու նախագիծին, որով  100 ինքնաթիռ մատակարարել կը նախատեսուէր եւ Թուրքիոյ համար կարեւոր նշանակութիւն ունէր:

Գոռնելիուսը համոզուած է, որ Ամն-ի նման քայլը բոլորովին ալ զարմանլի չէ, քանի որ Էրտողանը ` Ռուսաստանի հետ S-400 ՀՕՊ համակարգերու վերաբերող բանակցութիւններ սկսելով նման արդիւնքի ինք նպաստած է:

Հեղինակի պնդումով` ՀՕՊ համակարգերու շահագործման ընթացքին արտադրող երկիրէն թեքնիքական աջակցութիւն պահանջելով ամերիկեան ինքնաթիռներու գծագրերը կրնան Մոսկուա ուղարկել:

Գոռնելիուսը նշած է, որ Թուրքիան կրնար նաեւ Ռուսաստանէն ռազմական ինքնաթիռներ գնել, սակայն նման դէպքով պէտք է իսպառ մոռանայ ՆԱԹՕ-ին անդամակցութիւնը, ուստի քիչ հաւանականութեամբ Թուրքիան նման քայլի կը դիմէ:

Share.

Leave A Reply

This site uses Akismet to reduce spam. Learn how your comment data is processed.