ՄՈՒԱԼԼԷՄ ԴԱՄԱՍԿՈՍԻ ՄԷՋ ՀՆԴԿԱՍՏԱՆԻ ՆՈՐԱՆՇԱՆԱԿ ԴԵՍՊԱՆԻՆ ՀԱՒԱՏԱՐՄԱԳԻՐԸ ՍՏԱՑԱՒ

0

Երեքշաբթի, 9 Ապրիլ 2019-ին, Սուրիոյ մէջ Հնդկաստանի նորանշանակ դեսպան Հըֆզ ալ Ռահման իր հաւատարմագիրին պատճէնը յանձնեց Սուրիոյ արտաքին գործոց նախարար Ուալիտ ալ Մուալլէմին:
Մուալլէմի եւ Հըֆզ ալ Ռահմանի միջեւ խորհրդակցութիւնները կեդրոնացան զոյգ երկիրներու յարաբերութիւններուն եւ անոնց գործակցութեան ամրապնդման վրայ:
Ընդունելութեան ներկայ էր նաեւ Սուրիոյ արտաքին գործոց փոխնախարար Ֆայսալ ալ Մըքտատ, որ իր կարգին ըսաւ. «Հնդկաստան Սուրիոյ նեցուկ կանգնեցաւ միջազգային հարթակներուն վրայ, ինչպէս նաեւ աջակից դարձաւ մեր բռնագրաւուած հողերուն, յատկապէս Կոլանի, հարցին արծարծմանգծով», վկայակոչելով Օգոստոս 2017-ին Արտաքին Գործոց Նախարարութեան յարկին տակ տեղի ունեցած խորհրդաժողովին Սուրիոյ նախագահ Պաշշար ալ Ասատի այն խօսքը, թէ «Հնդկաստան արեւելքի ադամանդն է: Ան խաղաղութեան եւ յառաջընթացի ձգտող մարդոց ապաստանն է»:

Share.

Leave A Reply

This site uses Akismet to reduce spam. Learn how your comment data is processed.