ՓՈՒԹԻՆ. «ՍՈՒՐԻԱՆ ՄԱՍՆԱՏԵԼԸ ԸՆԴՈՒՆԵԼԻ ՉԷ»

0

«Ալ Ուաթան».- Երեքշաբթի, 9 Ապրիլ 2019-ին, Մոսկուայի մէջ, Ռուսիոյ նախագահ Վլատիմիր Փութին իր թուրք պաշտօնակից Ռեճէպ Թայիպ Էրտողանի հետ ունեցած մամլոյ ասուլիսի մը ընթացքին շեշտեց, որ Սուրիան քայքայելն ու մասնատելը ընդունելի չէ: Ան երկրէն ներս խաղաղութեան հաստատումը կարեւորագոյն հարց համարեց: Փութին անդրադարձաւ Իտլիպի հարցի լուծման եւ զինեալ ահաբեկչական խմբաւորումներուն Սուրիայէն դուրս բերման, ինչ որ հիմնական պայման համարեց Սուրիոյ քաղաքական գործընթացին բարենպաստ ենթահող ստեղծելու:
Փութին աւելցուց. «Ռուսիա եւ Թուրքիա իրենց կարելին ի գործ պիտի դնեն արմատական լուծումի հասնելու եւ Սուրիոյ մէջ ահաբեկչութեան վտանգաւոր ներկայութեան վերջ տալու համար»:
Իր կարգին Էրտողան ըսաւ. «Մենք եւս ամէն ջանք ի գործ դնենք վերջ տալու ահաբեկչական խմբաւորումներու ներկայութեան»: Ան Իտլիպի հարցը բարդ համարեց՝ դիտել տալով որ մինչեւ օրս կարելի չէ եղած լուծումի հասնիլ այս գծով, բայց եւ այնպէս աշխատանք կը տարուի այդ ուղղութեամբ:
Փութին աւելցուց. «Որպէսզի Սուրիոյ մէջ խաղաղութիւն տիրէ պէտք է նախ Իտլիպի հարցը լուծուի», մինչդեռ Էրտողան դիտել տուաւ, որ Իտլիպի մէջ գտնուող կարգ մը զինեալ ահաբեկչական խմբաւորումներուն պատճառով քաղաքական գործընթացը հեշտութեամբ պիտի չընթանայ, աւելցնելով որ երկու երկիրներու պաշտպանութեան նախարարութիւններուն միջեւ գործակցութիւն տեղի կ’ունենայ ոչ միայն Իտլիպի շուրջ, այլեւ Մունպուճի:
Թուրքիոյ նախագահը կարեւոր համարեց արեւելեան Եփրատի իրավիճակին շուրջ գործակցութիւնը, նկատի առած որ այդ շրջանի ապահովական վիճակը կը սպառնայ նաեւ Թուրքիոյ ապահովութեան:

Share.

Leave A Reply

This site uses Akismet to reduce spam. Learn how your comment data is processed.