ՄԻՋԻՆՔԻ ՁԵՌՆԱՐԿ՝ ՍՕԽ-Ի «ՍԵՒԱՆ» ՄԱՍՆԱՃԻՒՂԻՆ ԿԱԶՄԱԿԵՐՊՈՒԹԵԱՄԲ

0

ՍՕԽ-Ի «Սեւան» Մասնաճիւղի Վարչութիւնը եւս Միջինքի աւանդական ձեռնարկ մը կազմակեպեց Չորեքշաբթի, 27 Մարտ 2019-ին «Նատի Իթթիհատ» ճաշասրահէն ներս:
Ձեռնարկին նպատակն էր յիշել տօնին ազգային եւ կրօնական խորհուրդը եւ համախմբել հայուհիները՝ վերապրեցնելու մեր աւանդական տօները:
ՍՕԽ-Ի «Սեւան» Մասնաճիւղի ատենապետ Մարի Մխճեան բացման խօսքով ողջունեց եւ բարի գալուստ մաղթեց ներկաներուն: Ան հակիրճ անդրադարձաւ օրուան խորհուրդին: Ապա ձեռնարկի յայտագիրը վարեց Ընկերային Յանձնախումբը, որ այս առիթով խաղեր եւ մաղթանքներ պատրաստած էր:
Իւրայատուկ էր առաջին խաղը, որուն մասնակցեցան օրուան երկու հարսնցուները: Յանձնախումբի ընկերուհիները անոնց հարցումներ ուղղեցին հայկական գաւառներու ասեղնագործութեան շուրջ:
Գեղարուեստական յայտագիրը գունաւորեց տօնակատարութիւնը: Ներկաներուն տրամադրուեցան նաեւ օրուան յուշանուէրները՝ գոյնզգոյն շաքարաձեւ անձեռոցները, որոնք պատրաստուած էին Ընկերային Յանձնախումբին կողմէ:
Յատուկ խանդավառութիւն ստեղծեց Տաւուլ Զուռնան ու հայկական ժողովրդական մեր երգերը հնչեցին պարային տրամադրութիւն ստեղծելով հրաւիրեալներուն մօտ:
Ապա տեղի ունեցաւ երկրորդ խաղը: Տպաւորիչ էր փոքրիկներ Աննա Մարիա, Բարտի Գրիգորեաններուն եւ Յակոբ, Գէորգ Արոյեաններուն Սիլվա Կապուտիկեանի «Խօսք Իմ Որդուն» բանաստեղծութեան ասմունքը:
Յայտագրի աւարտին տեղի ունեցաւ վիճակահանութիւն՝ ներկաները բախտաւորուեցան արժէքաւոր նուէրներով:
Մասնաճիւղի փոխատենապետուհի Սոնա Տարագճեան շնորհակալութիւն յայտնեց ներկաներուն եւ բոլոր անոնց, որոնք ազնուօրէն կը սատարեն ՍՕԽ-ին: Ան իր շնորհակալական յատուկ խօսքը ուղղեց նաեւ ձեռնարկի յաջողութեան նպաստողներուն:

Share.

Leave A Reply

This site uses Akismet to reduce spam. Learn how your comment data is processed.