ԱՄՆ ԿԸ ԾՐԱԳՐԷ ԹՈՒՐՔ ՈՐՈՇ ՊԱՇՏՕՆԵԱՆԵՐՈՒ ԱՄՆ ՄՈՒՏՔԸ ԱՐԳԻԼԵԼ

0


 «Էրմէնիհապէր».- ԱՄՆի մէջ օրինագիծ մը պատրաստուած է արգիլելու ԱՄՆ մուտքը թուրք որոշ պաշտօնեաներու, որոնք կապ ունին Թուրքիոյ մէջ ԱՄՆ-ի քաղաքացիներու ձերբակալութիւններուն հետ: 

Նոյն օրինագիծով կ’առաջարկուի գրաւել վերոնշեալ թուրք բարձրաստիճան պաշտօնեաներուն ԱՄՆ-ի մէջ պահ դրուած  դրամական հաշիւները: Օրինագիծը հանրապետական ծերակուտական Ռոճըր Վիքըրի եւ դեմոկրատ ծերակուտական Պէն Քարթինի կողմէն ներկայացուած է: Օրինագիծին տակ 4 ծերակուտականներ եւս իրենց ստորագրութիւնը դրած են: 

Ըստ ամերիկացի ծերակուտականներուն, նման օրինագիծի պատրաստութեան պատճառը`  ԱՄՆ-ի  շարք մը քաղաքացիներու Թուրքիոյ մէջ անօրինական կերպով կալանաւորումն   ու անոնց  անարդարացի մեղադրանքներու առաջադրումն է:

Մասնաւորապէս յիշատակուած են Թուրքիոյ մէջ ԱՄՆ-ի հիւպատոսարանի աշխատակից, ազգութեամբ թուրք Մեհմեթ Թօփուզը, որ ցարդ ձերբակալուած կը մնայ: Ան  Թուրքիոյ  ահաբեկչական համարուող «Գիւլէնական  համայնքին» աջակցութեամբ կը մեղադրուի:

Յիշատակուած են նոյն մեղադրանքով Թուրքիոյ մէջ կալանաւորուած ամերիկացի հոգեւորական Էնտրիւ Պրանսոնը, որ  թրքական բանտի մէջ կը պահուէր: Սակայն վերջինս Ուաշինկթընի կողմէն թրքական իշխանութիւններու նկատմամբ  կիրառած ճնշումներէն ետք ազատ արձակուեցաւ:

Share.

Leave A Reply

This site uses Akismet to reduce spam. Learn how your comment data is processed.