ՀՅԴ ԱՄՆ ԱՐԵՒԵԼԵԱՆ ՇՐՋԱՆԻ «ԱՐՑԱԽ ՖՈՆՏ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ՆԵՐԿԱՅԱՑՈՒՑԻՉԸ ԱՐՑԱԽԻ ՄԷՋ

0

«Ապառաժ» կը հաղորդէ, որ 10 Ապրիլին ՀՅԴ ԱՄՆ Արեւելեան շրջանի «Արցախ ֆոնտ» բարեգործական հիմնադրամի ներկայացուցիչ Անդրանիկ Գասպարեան ՀՅԴ Արցախի «Նիկոլ Դուման» կեդրոն  այցելած է:

Կեդրոնի մէջ ՀՅԴ Արցախի ԿԿ ներկայացուցիչ Դաւիթ Իշխանեանի, ՀՅԴ Արցախի ԿԿ անդամ Վահագն Տատայեանի եւ «Արցախ ֆոնտ»ի Արցախի գրասենեակի պատասխանատու Տրդատ Մարտիրոսեանի մասնակցութեամբ հանդիպում տեղի ունեցած է:

«Արցախ ֆոնտ»ը Արցախի մէջ արդէն չորրորդ տարին է, որ կը գործէ: Հիմնականօրէն կը զբաղուի Հադրութի շրջանի վերաբնակեցուած Առաջամուղ գիւղի զարգացման ծրագրերով. տուներու կառուցում, բուժկէտի բացում, դպրոցի ընդլայնում եւ այլն:

Անդրանիկ Գասպարեան յայտնած է, որ Յունիսին Առաջամուղի մէջ բացօթեայ մարզահամալիրի բացման կը պատրաստուին: «Արցախ ֆոնտ»ի ներկայացուցիչը յայտնած է. «Շինարարական աշխատանքները ընթացքի մէջ են եւ յուսով ենք, որ մինչեւ Մայիս ամսուան վերջաւորութիւն կ’աւարտին, իսկ պաշտօնական բացումը Յունիսի սկիզբը պիտի ըլլայ»: Աւելցնելով, որ բացի այդ ծրագիրէն, ՀՅԴ Արցախի ԿԿ-ի հետ քննարկուած են նաեւ 2016ի Ապրիլեան դէպքերուն ընթացքին վիրաւորուած զինուորներու բնակարաններու բարեկարգումն ու շարք մը այլ ծրագրեր:

Share.

Leave A Reply

This site uses Akismet to reduce spam. Learn how your comment data is processed.