ԿԱՐՕ ՓԱՅԼԱՆ. «ՀԱՅՈՑ ՑԵՂԱՍՊԱՆՈՒԹԻՒՆԸ ԹՈՒՐՔԻՈՅ ԽՈՐՀՐԴԱՐԱՆԻ ՀԱՐՑԸ ՊԷՏՔ Է ԴԱՐՁՆԵԼ»

0

«Էրմէնիհապէր» կը հաղորդէ, որ Թուրքիոյ խորհրդարանի հայ պատգամաւոր Կարօ Փայլան Հայոց Ցեղասպանութեան առնչուող Ֆրանսայի եւ Իտալիոյ որոշումներուն մասին թուիթըրեան իր էջին վրայ գրած է. «Հայոց Ցեղասպանութիւնը պէտք է հանել Իտալիոյ, Ֆրանսայի ու ԱՄՆ-ի խորհրդարաններէն եւ պէտք է զայն արծարծման նիւթ դարձնել այն երկրին մէջ, ուր որ տեղի ունեցած է այդ մեծ յանցանքը, այսինքն, Թուրքիոյ խորհրդարանին մէջ»։
Հայ պատգամաւորին համաձայն, հայ ժողովուրդին վէրքը կրնայ ապաքինել միայն Թուրքիոյ մէջ գտնուող արդարութիւնը: Արեւմտեան Հայաստանի հայերը 104 տարի է ի վեր արդարութիւն կը սպասեն:
Յիշենք, որ Ֆրանսայի նախագահ Էմանուէլ Մաքրոն, 10 Ապրիլին, 24 Ապրիլը Ֆրանսայի մէջ Հայոց Ցեղասպանութեան զոհերու յիշատակի օր յայտարարելու մասին հրամանագիր ստորագրած է։
Իսկ աւելի առաջ, Իտալիոյ խորհրդարանը սկսած է նախաձեռնութիւն մը, որուն համաձայն ան կոչ կ’ուղղէ երկրի կառավարութեան՝ ճանչնալու Հայոց Ցեղասպանութիւնը եւ հարցին միջազգային հնչեղութիւն տալու։

Share.

Leave A Reply

This site uses Akismet to reduce spam. Learn how your comment data is processed.